Wp/ses/Forgo aruggaa

Arugga goo forgo soŋay kaŋ s’I ga nee forgo almata. Aruggaa woo mana tee kala 1985, a ga too hekitar 33, lalaba beeri g’a jebu dendi, daŋgay nda gurma k’a kaa gaaniyaa ga. Almata aruggaa ma tee ka kaa hala 1990 a duu daraja beeri, hegaa ga boobo, kondaa goo nda mangasa beeriyaŋ kaŋ a g’I fanji nda moo, moowaa ga safandi nda kondaa marsinoo, ŋaaroo ga neerandi nda booboyan ,maamalakey nda hinoo se, anneema cindi koyraa ra, woo ka too boroyaŋ gana ka kaa ka goro forgo ra, hunaa ga dogon goy tanaayaŋ bangay kaŋ ra borey ga duu ngi mee hunaa. 1990 bandaa ga, marsiney huru ka yalaafu , heggaa ga kacca, kondaa juwaloo gaza, goyoo kay. 2006 gandaa ra, Abdulaahi Usman kaŋ ga tee ong SEAD goykow nda kondaa pereezidaŋ jinaa kaŋ ti Asagaydu Usman nda onooraabele Abuzaydi Usman nda Abdurhaman Alasan na lakkaley daŋ cere ga hala goyoo ma tun taaga, han din ka kaa hõo goyoo go ma tee amma nda šenday.