Wp/ses/Fattandiyan hiijay jirbi iyya

Fattandiyan hiijay jirbi iyya. Sooga hiijay go nd'aladabuyaŋ sanda alaadayaŋ, soŋay ganda ra. Alwaati kaŋ hiijay tee, waani waani sooga hiijay, jirbi iyye no woyoo nd'aroo ga tabati, aroo si koy goy, a si koy muraadu kul ra, ngi nda hangasiney ga hoy ka cere kaanandi, attayoo ga tee, ŋaahayey ga kaa, binakaana ga tee. Almaari, hawray banda ga boro kul ga jaaje ka hibi aroo nda wandoo ga, woy hiijoo ga zaaroo hoy anzuraa doo ka marganda cerey nda woyhiji koŋŋaa. jirbiyye banda ga, jirbiyyantoo zaaroo za aruhiijoo hala woy hiijo ga fatta sanda adadoo kaŋ key tabatiroo hugoo ra se ga ben, aruhiijoo arma wala nga boro maana wala cere kaana g'a hoyandi nda doo, jamaa ga kaa yaarandi ga tee alaasar aruhiijoo ga willi ngi doo, woyhiijoo mo takaa wo da noo a ga tee hiyay kul ra nda hinaa goo, bora kaŋ mana ti sooga kaŋ bay ka hiiji hunday ga goro fattayanoo ga tee jirbi hinza ka koy jirbiyye banda ga.