Wp/ses/Faatumata Aliyyu Tuure

Woy boro denji, Faatumata ga tee gaawo lasal ize kaŋ caw ka duu šahada beeri Maali lokkol beeroo ra kaŋ goo Katibugu, Kulikoro areežoŋoo ra. Faatumata ga tee inžeeniyer agirikiltir fondaa ra. A goo nda ng’alaayaney maašaala. Kaŋ faatumata caw ka ben, a mana kabey kili, a mana hinoo goyoo batu, a na lakkaloo goyandi hal’a hin ka nga boŋ goydogoo feeri kaŋ ga ga tee konday kaŋ ga durkutu nda faaba, a ga tee alfarey here nda gaaham baanoo here nda kunahennay bunadamiize alhakey here, waafakaa nda cerediyanoo here. Faatumata goydogoo ga tee serwiisi beeri kaŋ goo Soosokoyra, Gaawo ra; i ga nee goydogoo se geereefa (GREFFA). Gaawo ma diyandi ga, Faatumata na goy boobo dirandi woo din ra a duu sorho beeri nda fondagoyyaŋ, konday boobo nda jinehuyaŋ adduɲɲaa fendoo kul here. Faatumata huru politikoo ra hal’a tee deepite. Woo din bandaa ga soojey na hinoo zaa, asanbule wurje, onooraabile Faatumata saayaa mana buu, hini taagaa n'a sanbu CNT kaŋ huru deepitewey dogey ra. Hõ faatumata ga goy Maali kul se, gaawoo se, a si ganji nga serwiisoo ga nafaw beeri tee gaawo ma koy nda jine.