Wp/ses/Doowaa (tanganmooraa)

Kidal areežoŋoo ra, batuma beeriyaŋ goo no kaŋ ra doowaa ga guuri daŋ, guuroo fonburoo ga sawa nda kaydiyaa benentaa, doowiizoo ga beeri, ma deesi ka kaa k'a hasaraw tee areerawey ga. Jiiri kul kaŋ baani goo, hinoo serwiisoo ga boroyaŋ tunandi ka koy guuroo hasara z'amana fomba, lakkal tunaa ma sintin hala hõo, goyoo mana hin ka tee, woo se jiiri kul doowaa ga boobo nga hasaraa ga boobo, tuuroo doowaa si key ba cee foo. Haraŋ jiiroo moo faarey sintin ka duu šenday dee haroo huru, hondoo waaca faarey mana tee doowaa sabbu ra. Alwaatoo kaŋ r'ir goo sardiŋawey bara nda šenday, tee jinawey ŋaandi, duma jinawey sii no, hala nda hõo alfarey kabey goo toonawey ga cire, misoo si faala, alwaatoo koy, jiiri kul wanoo si bara, amma naata goo kaŋ nda yeynoo zunbu doowaa ga dira, wal’a ma buu ka ben, goyoo ma sintin. A ga hima dumariize daŋ key ma soolu goyoo se, biney ma si hun, jiiri kul nda nga sendaa, a ga bisa, irkoy ma kate faaba.