Wp/ses/Doo

Doowaa ga tee takahaya kaŋ ga bara ir windilaa ra. A ga hansa ka hasaraw tee ažeeraa ga kaydiya waateɲka boobo. Faari koyey ga hin ka duu šendaynda ng'alwaatoo too. Doowaa kaŋ ga hasaraw beeroo tee ti doowaa kaŋ ga naaru, nd'a tun a hin ka kiloo meetar booboo deesi hal'a ga zunbu ma ŋaayan wiiri, nga binde si huna kala nda ažeera (subu, tuuri, taasu nda dumaray kaŋ zay a ga firzi). Nongu kaŋ r'a zunbu ga duu šenday. Nga tiggaa bisayanoo ga hima hirri a ga haya kul ŋaa, irkoy ma kani nga meeroo ga. Ir saaheloo ra, a si guuri daŋ, kala sahara woo ra, Tilemsi ka koy Kidal laamaa ra, noo din a ga fomba za. Ncirɲi jinawey ga, hal'a ga too jirbiyaŋ a ga sintin ka nor, fatawey ga zay, a ma tun cere bande nda woo kaŋ nd'irkoy na tee. A ga nga naarumaa tee, ka nga hasaraa tee, ka kuubi ka kaa ka guuri daŋ. Doowaa b'a tee woo kaŋ si marga ka deesi kaŋ s'i ga nee norgandaa ga labu ka faraw soko doo beeroo. Serwiisoo kaŋ ga hawgay nda nga tangamoo cindi ka safari kakas'a boŋ k'a wii, i g'a tangam nda ka.koy guuroo fanši z'a mana fomba, i ga nee borey ma goraarayaŋ kaa jinoo ra, a ma duu ka zunb'a ra, i m'a ton. Wal'i m'a fici. Wangoo kaŋ tee laboo ra ganji serwiisoo ma nga goyoo tee, a ga too jiiriyaŋ, a disi borey nda hinoo ma horgay.

Lakkal beeri ma tee woo fondaa ra.