Wp/ses/Dendenyan kaŋ Kurwa ruuz n’a tee

Handoo jirbi iyyaa deesambur 2025 konday beeri kaŋ g’alhaadimay faaba fonda ra, a ga tee faaba dumi kul, nda heray no, al;asiba no, wangu no, wirci nda zaŋay no, lakkaltunay kul kaŋ dumi no kaŋ ga hin ka kate šenday bunaadamiza ga, kuurwa ruuz ga goy woo din fondaa ra ka duu ka hundi soolam. Woo din no haraŋ jiiroo a too opital haŋadumbu Mulay Gaawo ka dendenyan dirandi ka himakasinay cebe taka kaŋ ra boro kaŋ maray laala, kuroo ga dendi a bande, a ga maray gumo, a ga huulata, lotokorey ga hink’a hima hima k’a sanbu torkaa wala hiyoo kaŋ kat’a ra, k’a lotokor daaroo boŋ ka safaraa sintin bila boraa ma dii šenday ka tonton. jamaa yahadar opital kadii takaa kaŋ nda goyoo ga tee, goyoo tee, a tee bina ɲaalay opital wakkiley se, koykey se, kondazey kaŋ borey yahadar se, fahamoo tee. Opital jinahuney n’albarka beeri daŋ kuurwa ruuz se nda nga faabaa kaŋ si febbe opital ga, a tee cinari here, safari here, hunau here wirci koyney se nda goyjinay here.