Wp/ses/Deŋandikey

Isa boro kul ga bay kaŋ ti Deŋandiyan, ni goo nda hii, ni sii nda hii kala han foo ma deŋ ka koy hawsa wala ma deŋ ka koy gurma. A ga boobo kaŋ nonguyaŋ ga bara kaŋ ti fondayaŋ kaŋ nda borey ga boobo ka deŋ ka koy yoobey daŋ wala i ma ngi adabbaa deŋandi ' zamanoo kaŋ r'ir goo borey ga hansa ka dira, koyrawey goo gurmaa ra, hayayaŋ goo hawsa, boro fallakey no, ɲeyze fallakey no, i ga koy, a g'i ka kaa cere doo, kala hari hii m'i ka koy, a g'i ka kaa, yoobudaŋyaney ga boobo, hunaa ceeciroo kala boro ma koy hebey ra. Ir dii kaŋ boroyaŋ goo no kaŋ goyoo kul ti i.g'a boro nda jinay nd'adabba luudu k'isaa deŋ, woo ra i ga duu ngi hunaa, i ga mooto koyey deŋandi cijin nda zaari, Gaawo gande ra boro boobo ga deŋ ka koy ntahaka wura ceeciyan ra, i ga deŋandikey bana henna. Woo kaŋ ga bara deŋandiroo ga bara nda šenday alwaati fooyaŋ, boro laaley ga kaa ka deŋ, i ga hin ka hii koyey noo šenday hinoo here. Alwaati fooyaŋ hew ga hẽe, bondaa ga boobo, woo kul ti farratay, boro ma hii taŋ isaa boŋ, hiikoy fooyaŋ ga fanjayan laala tee kaŋ ga hin ka kate munyan, mursay ma tee, woodin ra Deŋandikey ma hansa ka lakkal daŋ, ngi goyoo ma si tee almašiiba irkoy m'ir kul hallasi.