Wp/ses/Ciraa zunbu

Jiiri kul nda moo faarey hegaa man,ciraa kaŋ ti maššaa misoo g’alfaarey ganji jirbi, z’alfazar no borey kaŋ moowaa feeri, a na waa tee, ga hii taŋ ka huru gungoo ra ; i boobaa ga how ngi boŋ ga, i ga ša ša, i ga hiyoo kar, boro fooyaŋ ga zankey garandi buŋgay boŋ, boro fooyaŋ ga hin ka bora guraa bande woynaa ra, tasawey ga kara kala woynaa ma hansa ka koroŋ, alwaatoo din cira aga nafazu, amma a si koysoy, kaŋ alaasaroo ga man, cira aga yee ka ka anda baayan kala waynaa ma kaŋ, batukey ma jaaje. Suba misa fallakaa kala moowaa ma buu. Boro fooyaŋ ga fatta nda kaba k’alfarey taabandi, waani waani boro kaŋ goo nda faari hinka, ihinza, baturoo si faala, šennoo ti a ga too jiiri waranka wal’a ma bisa kaŋ cira aga hansa ka bara laboo ra, borey cindi, i ga koy saajoo ra ka tejey hasara, ka nuuna ka lakkaloo zaa, a ma zafa, haya kul mana hansa, zaman moora ra serwiisi cindi kaŋ ga tangam nda ciraa a ma si alfarey ganji hegay, serwiisoo takaa daray, alfarey ganji hegay, serwiisoo takaa daray, alfarey ga wurru daŋ hinoo nda nga šattakasiney ga, i ma faaba tee misoo ra.