Wp/ses/Ciiri

Ciiri :

Za gayay ga, laarabey ga ciiri ka hun Tawdeeni. Ciiri ti nafaw beeri ir gandaa kul se. Ciiri man' ti kala hunay kaŋ goo nda alhaali booba. A ga ti laamudu wala bufu. Laamudoo ga hun laboo cire, bufoo ga hun teeko haroo ra. Ciiri mma kaaray, amma a ga hin ka boosu-boosu. A ga hayni-hayni, a goo nda tenbe. A ga cahã ka menne hari konna ra ka bisa iyayna, a ga few nuuna ra. Hala boro na ciiri hari zargandi, haroo ga dullu, ciiroo ga cindi. Takaa din no nda i ga teeko ciiroo kaa. Ciiri gungutoo ga hun dawoo cire, a ga hin ka ti laamudu kag yoo m'a ka hun Tawdeeni. Ciiri nafaa ga baa : a ga huru ŋaayan ra, a ga tee safari, a ga ganji ham ma funbu... Amma hooyan nga ŋaayanoo ra ga kate boro ga dori.