Wp/ses/Cawoo zaari jinaa

A ga too handu hinza kan cawhugoo ga daaba. Boro si huru a ra, boro si fatta a ra. Amma hô subbaahoo a feeri. Cawoo zaari jinaa baddey kul biya ka fatta ngi do. Lolo kan n' na zaa kul ga too zanka. Ikul taalaahu serre cawhugoo se, i ga koy cere marga no din. Wey kan naaru ga hayey k'i dii ey filla ngi cerey se. Affooyan ga hoolo, jerey ga hooray, i ga zuru ka koy, i ga zuru ka kaa. Cindey ga sar-sar hugoo miyoo ga. Cawhugoo kan cindi ka daaba huna ho subbaahoo. Taalibi taagey hunday gaahamey si feeri i ga, zama i mma hunbur.