Wp/ses/Buguni liitiyom izinoo

Liitiyom ga tee guuru albarkanta kaŋ goo laboo cire almaaney ra, nga nd’i ga bateriwey hansa, ka tonton haya booboyaŋ ga, a ga hin k'alman beeri daŋ laboo se, woo se,jine, izin jinaa mana tee kala gulama buguni areežiyoŋoo ra. Bii zaari nowambur jirbi 3 jiiri 2025 Maali jine hunoo kaŋ ti haasimi goyta nda delegaasiyoŋ beeri yahadar buguni koyraa ra, batoo daliloo ti ka buguni liitiyom izinoo ganbey miɲey feeri, goyoo ma šintin, nafaw ma duwandi buguni se nda,Maali kul se, baytal almanoo ma tonton, laboo ma cina, bismilla nd'albarka daŋyan banda ga, buguni jinehuney na ngi binakaana cebe, i farhã nda haasimi kaayanoo nd'izinoo ma tee ngi do, a ga tee dalil kaŋ na goy fondo feeri, boro boobo se, a ga tee sorho koyraa se, a ga laboo kul tonton. Šin ambasaderoo na nga binakaanaa cebe, a bayrandi kaŋ Šin nda Maali sattakasina ga tonton, alaahidey ga toonandi cere beerandiyan ra nda sasawandiyan ra. Maali jinehuney ɲaali nda gomnoo, i gaara izinoo ma tee haya kaŋ na borey soogu cere ga, a ma si tee haya kaŋ na borey fitina. Batoo ben nda fondogoyyan binakanay ra.