Wp/ses/Borcintaraa ganganoo

Borcintaraa ganganoo. Maali duu nga borcini taraa za jiiri 1960.Laboo kul ra a tee binakaanay beeri, wakkiley kaŋ na Maali too borcin taraa nda zaari kayandi k'a tee jingar nda hongandiyan, zaaroo ti sekitambur jirbi waranka cindi hinkaa. Zaaro no kaŋ hala hõo a ga jingarandi, zankey ga faham kaŋ a mana ti zaari koonu, jamaa ga fatta Maali kul ra, koyrawey kul ra ka barka cere se, soogey ga horay, i ga gan, borey zurandoo ga tee hari hiyey zuraa ga tee, gurgaa, zuraa,cee baaloo ga tee. Borey i booba ga duu šahada nda bina kaanandiyan, soojey, kondawey, goy teerey kul ga cabe kaŋ ngi kay Maali cinaroo se, borcini taraa ma tabati. Koyra borey kul ra batu ma hayayaŋ ga bara kaŋ s'i ga nee borcini taraa ganganoo, nongoo din ra batey ga kara, i g'i soolu jiiri kul jingaroo se, i g'i taalam. Jingaroo borey g'a waajibandi ngi boŋ ga, gomni no, hongandiyanoo. A ga hima ir ma ir gomno woo lakkal ka boori, ir ma cere dii, ir ma baa laboo zama ir si duu labu kaŋ mana ti a, nga hasara g'ir maray.