Wp/ses/Batoo Tunbutu

Za Modibo ga kaŋ ti Maali pereezidaŋ jinaa, goydoo tee kaŋ ga huuga nda siisihiyey kaŋ ga boro zaa, i ga jiney zaa, i g'adabba zaa. Zaamanoo din, harihii de ma Maali wayna hunay nda nga woyna kaŋay sogu cere ga (bato,kanca, pinaasu). Fondawey ga kuu, labu taasoo ga boobo kaŋ zaman hala moobil ga too Tunbutu nda Gaawo. Alhukum taray na siisihiyey kaŋ cindi annssaarey maaɲey ga maaɲey bere, woo din ra bato Tunbutu huru, Kanku huru, Sumare huru. Tunbutu ga tee bato sorhante a na jiiri boobo tee Kulikoro nda Gaawo gamoo ra, a ga boro nda jiney luudu ka koy ka kaa. Tunbutu no irkoy boona boro laaley, Maali iberey na ton, Tagarasu maanay ra jiiri hinza, boro boobo buu nuunaa ra, borey kaŋ sar ka zunbu isaa ra mo boro boobo buu i ra, misoo tee bina maray beeri aduɲɲa kul se, alsilaama taray kul se batoo Tunbutu din a tee boosu, cindoo goo koyraa kaŋ s'i ga nee Zorhoy gandaa ra.