Wp/ses/Balasa

Balasa: Subu daarante foo goo subey ra kaŋ fitaa ga hanse ka firzi, i ga nee a se : balasa wala malanjal. Suboo nafaa ti kaŋ a ga masacara nda bine maray nda agoorasu safar. Nga fitaa nda nga bundoo kul goo safaroo ra, nda a ga tay wala a ga kogu. Balasa taya, wala i kogaa, boro mma a zargandi, ma ciiri kayna dam a ra, wala m'a hiijandi jinay henenante ra, ma ciiri kayna dam a ra ; ma haroo sosogu m'a haŋ, subbaahi nda almaari. Nda n'baa mo, nga balasa kogaa zaa, ma jeroo haagu, m'i kaasim cere ra, ma ciiri dam a ra, m'a dur. Subbaahi waate m'a haya dam ni kabegandaa ra, m'a gum ni miɲoo ra, ma hari k'a taŋ. Ikogaa mo ga hiijandi, a ga zargandi. Nda boro ga baa m'a jisi n'ga hin k'a dur, wala m'a takula wala m'a kogandi yaada.