Wp/ses/Awdu Muusa Mayga

Porofeser Awdu Muusa Mayga ti Gaawo-ize, deeziem tenje. A ga tee bayraykoyni beeri kaŋ ga canse nga koyraa se kaŋ ti Maali, waani-waani Gaawo. Nga cawoo iboobaa kul Tiiniizi laboo r'a n'i tee. Cawyan kul banda ga, a willi ha kaa nga koyraa ra kaŋ ti Maali-Gaawo, ka nga bayraa noo. Haya jinaa kaŋ a n'a tee hala nga ma hin ka Gaawo soogey faaba ti cawdoo beeri kaŋ ti iniwersite. Nga lakkaloo ti Gaawo soogey ma hin ka caw nda lakkalkanay, nda farhã, bila nd'i ma koy hala Bamako. A na tee za jiiri zenber hinka nda waranka cindi guwaa ra, hanoo kaŋ a tabati, a tee Gaawo-izey kul se bine jaali. Za handin hala hon, soogey nda borobeeri foo-fooyaŋ goo ma caw lakkalkanay ra. Cawdoo beeroo bandaa ga, Awdu Muusa Mayga mana kay hal'a na liiseewoo mo feeri kaŋ ti Elit. Hon, Elit ga tee liise beeri kaŋ ga bayray tabatanta noo zankey se. Cawandikey ga tee bayray koyni beeriyaŋ, i ga waana ngi goyoo. Awdu Muusa Mayga mana naŋ hal'a na fondamantaloo (baddey lokkoloo) mo feeri. Hon, Gaawo kul g'albarka daŋ a se nda kookaroo kaŋ a n'a tee Gaawo se. A na soogo boobo noo bayray kaŋ affoo kul goo ma goy hon. Cindey goo ma cawandi, cindey goo ma goy ngi boŋ se.