Wp/ses/Arajo naata jingaroo

Arajoo naata ga tee jamaa araajoo kaŋ goo gawo, nga ti araajoo efem jinaa, a bangay oktobor handoo jirbi woy cindi guwaa jiiri 1993, a duu sorho, haŋa daŋkey yadd’a ga, a ga jamaa noo alhabar nafantayaŋ, a na borey boŋey feeri, a na borey cawandi windilaa here, gaaham baani fondaa ra, ladab henna fondaa ra lasal keyandi misoo ra taarikoo fondaa ra, waafakey nda cerediiyan ra addiinaa keyandiyan fonfaa ra, annamu lakkalyan ra, i si kabu ka ben jiiri kul oktoobur jirbi 15 naata jinahuney nda koyraa borey ga batu kar ka zaaroo woo tee jingar, borey ga kaa, fillawey ga tee, foo nda goyyaney ga tee, jamaa ga cere kaanandi, miskiiney ga duu faaba iri iriyaŋ. Koyra borey ga gaakasinay beeri tee araajo se nooru, taasu nda bankaaray here, yaarawey ga tee yawey se. Haraŋ jiiroo batoo tee nda bina kaanay, alasal hoorawey sanda alangaa, gurgaa nd’i booboyaŋ tee.