Wp/ses/Arajo alhabar teeyan

Jirbey wey arajo alhabar teekaw hinka duu šenday nga goyoo fondaa ra. Boro jinaa ti Maaliki Aliyyu Arajoo Adar Koyma alhabar teekaw no, boro hinkantoo Isufi Muusa Tuure, Adar Kuukiya alhabar teekaw no Ansoŋo ra. Addaliloo kaŋ n'i noo senday kaŋ, ti koy ngi boŋ gar žandarmeeri ti alhabaryaŋ kaŋ i n’i noo ngi arajey jindey ga kaŋ si sahã, senniyaŋ kaŋ,ga hinoo jacce, kaŋ ga hin ka jamaa biney maray ka tonton lakkaltunaa ga, a gar alhukumtaray nda arajey konday beeroo kaŋ ti Irtel (URTL) gay ka kašeeta daŋ t’ir goo wangu ra, borey kaŋ lakkaley si kani, biney si dejje Gundam ra, alhabar teekey ma lakkal daŋ nda woo kaŋ i g'a bisandi arajoo jindoo ga, alhabaroo ma si tee taari, a ma si haya kaŋ ga borey hunburandi, a ma tee alhakiika boro ma lakkal ni labiizetaraa ra ma si hasaraw tee, cimi alhabar teeyan si laala amma nd'a too nongu ga nga hasara ga beeri, a ga koyra say, woo din ra kašeeta kul banda ga borey goo areezo soosiyewey ga, araajoo boro fooyaŋ goo araajey jindey ga i ga ngi hundi alhawa gana, woo ka too šendaa kaŋ borey wey duu a. Kala faaba ma tee kaŋ ga lakkaley zumandi.