Wp/ses/Alwaatey barmayyanoo: šanžema kilimatik

Alwaatey barmayyanoo ga tee haya geyaa laboo boŋ, a ga tee misa z'a si bayrandi, a si laasaabandi hala borey nda bayray koyney sintin k'a laasaabu k'a lakkal alhakiika misa no kaŋ ga bara ir ga hin ka nee a goo irkoy aayawey ra, bii haroo cindi a ga duwandi teekoo cindi nee saharawoo ra, saaji kaŋ ga hunburandi, hooga laala dumi kul ga bara nee da isaa manay ra. Cirɲooga kaŋ, a ga boobo, a ga wasa, hunaa ga dogon a ga dumi dumi, gaaham baani goo. A too zaman annemaa, woo kul kaa nakasi hala faraway kaa, šenday hala šenday ga nongey tataaru alwaati kaa kaŋ borey na ladabu boobo taŋ.

Hõo bayray koyney ga dii kaŋ barmayyan goo ma tee nda kayna kayna,ncirɲi beeriyaŋ ga kaŋ, isawey harey ga boobo, i ga bisa woo kaŋ tee zaman manay ra, saajoo kaŋ bay ka ben ga kaa nda kayna kayna, Windila alhaaloo huru ka barmay, a hennen kaŋ barmayyan goo ma tee alwaatey bande, konnoo nda yaynoo alhaaley barmay. A ga hima borey ma.ngey alhaley barmay ka ngi goyey hangandi barmayyanoo bande a ga tee faarey goyoo here, saajo misey here, hugey cinaroo here ka koy.