Wp/ses/Allabajja (Labajja)

Soŋay borey goo nda ngi ŋaayaŋ kaŋ se i ga nee alabajja (labajja). A goo nda takayaŋ kaŋ nd'i g"a tee. A goo i ra, i ma koyra ŋaari hanse ka ziibi kul kaŋ goo a ra kaa. I ma alman ham hina, i ma hawroo hina hal'i ma nin. I ma kaa ka hawroo kurba nda ganji hamoo hala i mma cere dii. Nd'a nin, i ga kaa k'a taasu. I mma haw jii daŋ a ra. Nd'a soolu ka boori, a goo nda kaani. A ga tee soŋay lasaltaray ŋaayan batu beerey hane–sanda Almadan, Cuuši, Muuludu (Mawludu) jingarey nda hiijey, cebey nda yaarey sifantey se.