Wp/ses/Ali Farka Tuure

a ga bayrandi nda kurbu karkaw beeri, Ɲafunke boro no, Ali duu maa, a duu sorho beeri kurbu kararoo ra, a na Maali dira, maaɲoo na boro bii gandawey nda annasaara gandawey dira, nga kurbu waanaa, kurboo kaŋ s'i ga nee gitar mana huru šikka ra, Ali Farka na kaaseeti boobo kaa taray, a duu alman nda daraja nga kurbu kararoo ra boro boobo ga nee kaŋ nga ti Maali jams boroŋ cine kaŋ ti Ameerik donkow beeri, a ga buluz kar cimi cimi. Ali Farka mana kay doonoo ga, a tee politik ize beeri kaŋ too a ma tee nga kominoo se mer. a buu mer taraa ra ka dira ka izey naŋ kaŋ affoo g'i ra kaŋ tee kurbu karkaw. hala nda hõo Maali donkey, kurbu haŋajerkey mana dirŋa Ali, nga kurboo ga hẽe kasatey nda telefoney nda telewey ra, irkoy n'alaahara yeynand'a ga.