Wp/ses/Alhabar laala

Boroyaŋ g'alhabaryaŋ jindaw areezoo soosiyewey ga kaŋ ga hima nda cimi, a gar i ga moora cimi, taari bibi tikyaŋ no, i ga tee alhabar laalayaŋ kaŋ ga hin ka kate fitna, alhabaarey jerey ga tee cere kaynandiyan, cere fišiyan, hinoo n'alwakkiltaray jaccayan, wangoo jirbey kaŋ r'ir goo alhabaarey jerey ga tee hayayan kaŋ ga tee lakkal tunay fondaa ra, iberey g'i tee ka bine hasaraw tee ka hunburay daŋ borey biney ra. Maali hinoo kaŋ faham kaŋ alhabar laala ga tee hasaraw na kašeeta daŋ borey ma duu ka moor'ey, i ma gagay, i ga cebe kaŋ alhabar si tee nda bayray jaŋay, misawey goo no kaŋ nda boro g'alhabar alhakiikaa bay ka duu k'a jindaw areezo soosiyewey ga. Hinoo na fonda konna zaa taari nd'alhabar laala teekey se, a ga boro too kasu nda zucca beeri sanda jirbey wey kaŋ alhabar dira kaŋ ti Maali g'alwaajibandi sooga kul ga baa nga ma huru soojataray ka kay laboo se, i na taari silbayyaŋ tee a se, ka sennoo himandi nd'alhukumoo šenni.