Wp/ses/Afazaza (Afozozzo)

Ir hoogawey bayraa ga boori, ir laboo goo nda hooga boobo kaŋ jeray diiyanoo si faala, ngi duuyanoo ga šendi. Ir hinoo goy dogoo kaŋ ga hawgay nda hoogawey nda nga catakasiney kaŋ r'almaaney goo, na ceeciyan tee hoogawey bayraa fondaa ra. Ngi alkadarey, beeriyaney, aladabey. Woo din r'ay ga bayraa zemna nda war: a goo hoogawey ra: afazazza. Hooga no kaŋ nga diiyanoo si faala, a ga tee wangaari waani-waani nd'a goo woyoo bande. A ga boro wangu, a ga laala, nga muraadoo kul ti nd’a d'aruboro kul kala nga m’arutarawey k'a cire, cansayan t'addalil. Niinoo si hun woyoo nsunfaa ga. Nga hayroo ga too senti meetir waranka 20 ka koy too waranza 30, kukuroo ga too cm 65-70 ka koy 77, tiŋaa ga too kilo 8 ka koy kilo16, alhamitaraa : jirbi 100 ka koy 110, aloomuroo saajoo ra: jiiri 24, hayyaroo : ize 1 ka koy 4 cee foo kul. Nga hunaa ga hansa ka faala, a ga huna nda ndonton, gangam, kormota, nooni a ga jifaw dumi kul ŋaa k’a kar k’a wii si faala, a goo nda gaabi, a goo nda kayfi. Ganda karfey kul I laala ga tarkuday wii miniti 30 nda cere game. Nmma nd’a na afazazza ɲama, amma t'a se sanda jirbandi safari, alwaati ra, a ma koy nga fondaa ra.