Wp/ses/Aduŋŋaa kanje taacaa

Muusa nda nga ceroo mana bay ka koy taarandi. Han foo, i hawandi ŋi ma koy taarandi. Za cijin kokor ra i na almaaney tunandi, i šerre. I bara i ga kurandi, i ga ziji hala kaaraa hun. I hanse ka mooru koyraa. Waatoo kaŋ waynaa sintin ka hun, Muusa nee nga ceroo se : man n'ir goo? Ceroo bayrand'a se kaŋ a ma waynaa guna. Noŋoo kaŋ here waynaa ga hun ti Waynahunay. Aluula, noŋoo kaŋ here waynaa ga šiiri ka koy s'i ga nee Waynakanay. Ma biyey mo laasaabu. Nda waynaa ga hun man here biyey goo? De waati kaŋ aluulaa too? Muusa kaŋ hanse ka haŋa tee, nee nga ceroo se : man tenje no hugey goo ? Waynahunay wala Waynakaŋay? Ceroo bayrandi a se kaŋ koyraa sii nongu hinkaa kul here. A masi cahã nda nga. A nee a se : Waynahunay guna, ma ni kanbey serre. Ni kanba gumaa here ti Dandi, iwowaa here s'i ga nee Dangay. Kanje taacaa woo maaaŋey ga bere-bere nongu fooyar ra : Buram, Tunbutu, Diire... Woo ra, ir koyraa sii kala Dangay here Ay ga hansa ka bayrandi ma ne kaŋ kaddasu wala dawsifa boŋ, Hawsa no beene ; Gurma sii kala ganda. Nda n'ga tenji nda hawsa ni kanba gumaa ti Waynahunay, iwowaa s'i ga nee Waynakaŋay : Ay ceroo Muusa, Aduŋŋaa kanje taacaa woo, m'i bay ka hanse ka boori. I goo hayey ra kaŋ g'ir ganji ir ma dere nd'ir goo diray ra. Sohõ kaŋ n'faham, ir dam hugey fondaa ra.