Wp/ses/Adduɲɲaa mana ti kala naarumi dunba

Woy foo huru kaaroo ra nda nga jinawey, a goro aru foo jeroo ga,. Huruyanoo ra, nga baajey n'aroo kar, aroo mana nee b'affoo. Woyoo nee aroo se, macin s'ay baajey na ni kar mana nee b'affoo ? Aroo n’a se woo mana ti haya kul, adduɲɲaa naarumaa ga dumbay. Nee nd’alwaati foo, ay ga zumbu. Šennoo na woyoo boŋoo haw, kala woyoo n’alhaa hii aroo ga. Šenno ga boro ka taaši ka duu ka bay kaŋ ir goo naarumay ra kaŋ ir sii nga kaydogoo bay, ir si nga benyanoo bay.

A ga hima boro kaŋ na ni kaynandi, a na ni wow, a tee mane iberi, alhaasiri, anka ni tooɲe anka zay mane, a na ni kom, a taari ni ga, taaray ma hin suuri zama naarumaa si kuu, misey daŋ ni jingaroo ra, adduɲɲa mana ti kala benhaya, boro kul si bay hõ nga fatt’a ra, wala suba. Kala suuri.