Wp/ses/Adamayzetaray alhakey

Za jiiri 1948, batu beeri kaŋ kara annasaarey labu ra, wangu beeroo bandaa ga, šaawar kul banda ga, borey waafaku kaŋ a si hima hundi ma duu šenday alhaali kul ra, boro mana ti adabba kaŋ ga ŋaandi, adama-ize goo nd’alkadar, a goo nda lakkal, a si hima laalari ra, futay ra, boŋkoyni ceeciyan ra , a ma dii hundi marayyan, a si him'a ma kaynandi. Woo din ra, margaa cebe kaŋ boro kul ga hima ka duu nga hundoo kaani, a ma yulwa nga goro dogoo ra, nga koy ka kaayanoo ra, a ma bara nda lakkal kanay, nga hunaa ma boori, a ma caw nd’i boobo . Wangey kaŋ bisa ra, hundi hasara, hundi laažaaba, borey tee cere se hooga laalayan; borey dii kayna nda cokosi. Woodin no borey dii kaŋ a mana hima, taka kul kaŋ nda borey yanj'i ma kaydoo daŋ haya kul se. Margaa wal’ir ma nee batoo bandaa ga, i na deesambur handoo kayandi à ma tee handu kaŋ ra boro foo kul ma hongu adama-ize alhakoo.