Wp/ses/Adabba teeyan

Adduɲɲaa kul ga Maali šifa nd’adabba teeyan, ng’adabbaa boobaroo nda ng'adabbaa sorhaa. Ir adabbawey ti: feeji, hancin, haw, yoo, bari nda farkay. I ga tee alman beeriyan kaŋ goo nda nafaw beeri koyey se ng’almušakkawey kul fondaa ra. A ga baytal almaanoo tonton, a ga faaba tee laboo cinaroo nda nga koyjineyanoo fondaa ra, Maali adabbawey ga koy neerandi taray koyrawey ra. Gandawey goo no kaŋ si felle kala Maali adabbawey ga, waani-waani ciwsey ga. Nda manati Maali Adabbawey, labu booboyaŋ ir taalamey ra hunaa si hin ka boori, adabbaa ga tee goy kaŋ ra jamaa, jamayaŋ ga huna. Goy miɲey nda ceeci fondawey kaŋ ga fatta adabba teeyan nd’adabba biiriyan ga boobo nda baayan. Maali alhukumoo ga lakkal daŋ adabbaa se, nga tontonyanoo se, nga gaaham baanoo se, nga nafaa ma tonton mo se. Maali-ize boobo ga caw adabbaa fondaa ra hala hõ. Maali woynahunay biseceraa woynakaŋaa ti adabbaa booboroo, a ga talkataraa nakasi gumo. Maali hinoo ga taka kul tee borey ma hin ka faham k’adabbaa goyoo tee nda fondaa, I ma hin ka hansa ka nafa. Woo din ra , wirci goo no kaŋ se adabbaa ga hima ka cansa jiiroo ra, wircey ti: - Sorfaa - Kumboo - Kuri konnaa - Kuri yaynaa - Fušaa.