Wp/ses/Adabba kaamandiyan

A ga tee haw, feeji, hancin nga kaamandiyanoo ga tee goy kaŋ goo nda fanaw. A ga boro duraa tonton, a ga moora goray koonu, adabba kaŋ boro ga cere cere k'a dii ni doo, ni kaloo ra. A ga waani woo kaŋ ga koy kur, n’anniyaa zaa, ma ni nongoo soolu, kali ma bar’a ga, bii ma bar’a ra, hari kaŋ I g’a haŋ ma si tee šenday , ma ni adabbawey hinnaa bay kaŋ ngi kaamandi cere bande, ma ngi ŋaahaya soolu subu here, doobu nda habiize here, ma ngi ciiroo soolu nda ngi safaroo. M' alhabar tee weeterineroo s'a ma ni faaba alwaati fooyaŋ. Ma ni almaney day, I ma tee hayayaŋ kaŋ si naasu amma I ma si tee zaŋantayaŋ, ma i ŋaandi henna hala handu hinza. Handu hinza banda ga gar I naasu. Ma I neere ka marga nda yooboo laasaaboo, a gar nn’alhabar tee kiliyaŋyaŋ se, kaŋ ga muraada adabba naasa. Sanda wayakow, ŋaa neerekow, boroyaŋ kaŋ goo nda batu. Nd’a boobo handu taacaa r'i m’i neere, ma yee ka day nda nooru ɲaaŋoo. M'albaha jaroo daŋ ni muradoo ra, ma jaroo tonton nooru ɲaaŋoo ga. Nd’irkoy baa, ni muraadu boobo ga hanse. Ir ma lakkal daŋ adabba kaamandiyan se.