Wp/ses/Abuzaydi Mayga

Hon, Abuzaydi ga tee dotija beeri. A caw lokkol, a tee muše kaŋ cawandi, sanda Gaawo nda Minika ra. Abuzaydi mana ti kala Forgo Soŋay boro, a goy Gaawo areežiyoŋ se zaa hon se jine, hala hon nongu kul kaŋ ra Gaawo ga ciyandi a goo dogoo ra, a ga kay Gaawo ma koy nda jine, Gaawo ma si wili banda, Gaawo ma si duu šenday. Cawandiyanoo kabo cire Abuzaydi huru politikoo ra nda nga gaaboo zaa ženeral Muusa Tarawele zamanoo ra, a na misayaŋ tee nga bayraa nda nga arutaraa ra, kaŋ na Gaawo ka yadd’a ga, hinoo mo n'a beeray daŋ a ga. Abuzaydi tee Maali se ambasaader Gaaboŋ ra, a tuuru nga laboo maawoo ga, a kay Maali se, a na maali lilwaloo jer taray. A Willi ka kaamaali ra, ka goy politikoo ra hal’a tee deepite Gaawo se mandaa boobo ra, asambilaa ra, a goy Maali se, a goy Gaawo se. Laboo ma duu senday onoorabile tee komisiyoŋ se jinehun kaŋ ga gurgay cimoo ma bangay nda ciitey ma dira nda fondaa. Hon, Abuzaydi ga tee Forgo Soŋay koyraa se boŋkoyni, a ga tee konday beeri se jinehun kaŋ ra Gaawoo laamaa kul koyra boŋkoyney ga marga, a ga tee surgu boro wala isa boro; kondaa ga goy boobo dirandi waafakaa nda cerediyanoo fondaa ra.