Wp/ses/Abdul Jalil Haydara

Kayto, kaari kayto, kaŋ Abdul Jalil Haydara mana cindi. Woo ka tee okotobur jirbi hinkantoo hane, jiiri 2025 ra. Abdul Jalil mana ti kala cawkoy beeri, Seegu ize no, a tee RPM politikiize beeri, a tee deepite Maali asanbile ra, laabiize beeri no kaŋ gurgay Maali koyjineyanoo fondaa ra, nda demokarasi ma goyandi ir laboo ra, a goo borey ra kaŋ dii boro ma caw ka duu alhabar albarkantayaŋ ga boro tonton, a ga labu nda ganda cin. Abdul Jalil tee sabbu kaŋ na teele daŋ Seegu ra, a tee teelehugoo se jinehun nda faabakaw. Abdul Jalil ga hun Bamako ka koy Seegu nga mobiloo ra kaŋ a kaa ka bisa moobil ga kaŋ fondo kosukey n’a kayandi. A baa nga ma bisa ka hallasi, haamakey na malfa feer’a ga, a jaŋ nga hundoo. Seegu nda Maali kul goo binemaray beeri ra, zama boro lakkalkoyni nda binetaya ti woo kaŋ hun i kone. Koyraa nda jamaa ga hong’a nda nga teerey, hõ nda suba.