Wp/sel/Ӄолд

From Wikimedia Incubator
< Wp‎ | sel
Wp > sel > Ӄолд

Ӄо́лд (чуй. Куай; шӧль. Колты; руж. Обь) — (чу́мэлӷу́ланан) То́пӄол ӄа̄дэрэл (варӷ кыт таре́) ӱ́дэл шор - та̄мэутэ та̄ӄӄэл та̄зи̇нд а́льчешпа. Ӄолдо́нд на Ӄэ́ткы, Ҷаӷа́ркы, Чулы́мкы, Ша̄лкы, То́мкы (ай арӄ) а́льчешпат.

Ӄо́лдыт квэжак Алта́йӷэт Пи́якыт, Кату́йкыт чарӷэт ӄватта́лҗа. То́пӄол ӄа̄дэрӷэт Ӄолд - ха̄л варӷ ӧ́дэмо э̄я.

Нэп[edit | edit source]

Ру́жэлҗӓре́ Ӄо́лдэп Об нэмдэкумба́дэт, на э̄җ ко́мелшэ̄утэ му та̄мэлчи̇бэлта̄мдэрт шэ̄утэ э̄я.

Ӄӯлҗӓре́ та̄ӄӄэл пеле́каӷэт шӧ́льӄу́ла нап Ӄолты нэмда́дэт, Ня́рымэлӷу́ла нап Ӄо́лд нэмда́т, та̄мэл Ӄолдо́ӷэлӄу́ла Ӄо́лдэп Квай му Ию нэмдэкуҳа́т. Ию - ке́нынӄу́ланандо нэп э̄я.

Ӄо́лдэлӄвэ́л[edit | edit source]

Ӄолдо́ӷэт ӄа̄за, нырша́, печа́, но́дык, ко̄р, шыд, ванҗ, тод, мунга́ ай арӄ 40 коче́лаӷ ӄвэлт тӯб кватпа́т.

Оӄӄэрни̇ ӄвэ́лҷэдэлӷу́ла Ӄолдо́ӷэт ӄа̄зап, но́дып, то́дэп ай мунга́п кватква́дэт.

Ӄолдо́ӷэл ха̄л варӷ ӄва́ҷла таве́ят (та̄мэутэ та̄ӄӄонд): Пи́йӄо, Па́рэнӄара́, Алта́йӄва́ҷ, Пе́рҗаӷ, Шанд ӄваҷ, То́пӄо (То́мӷэт), Ӄалпа́т, Пе́нҗэлӄӧ́в, Ва́ртасоӄӄ, Ла́ӈгибо, Соргу́т, Хаӷса̄лкыт кваҷ, Ла́бэтнаӈг, Пульнава́тӄара́.

Ха̄л варӷ Ӄо́лдэл пылли́ла - Соргу́тӄэт, Шанд ӄваҷо́ӷэт ай Алта́йӄваҷо́ӷэт а̄мдат.