Wp/sel/Ӄат

From Wikimedia Incubator
< Wp‎ | sel
Wp > sel > Ӄат

Ӄат (шöль. кэт; тюй. киед) — ӄандэ́ҷэшпэдэл, тӓ̄шэдэл пара́. Ӄат по̄дэт тэ́ттэмҗэл пеле́каӷэт ҷа́җа. Ӄат аре́дла таве́ят - нева́т аре́д, ка́ндэл аре́д, ӄвэ́лӄонда́лбэл аре́д.

Ӄат полаӷэт

Ӄат ҷвэҷо́ӷэт[edit | edit source]

Та̄моӷэл, та́ӄӄоӷэл ӄа̄дэрлаӷэт арӄ таре́ каве́шпа. Та̄мэчи́бэл ӄа́дэрӷэт оӄӄэрни̇̄ хэр кыба́елаӷ, ундо́ варӷла́ӷ мярӷэшпа. Ӄат маҗӧ́ӷэт по̄ла чабга́лӄ калква́дэт, нӱҗ ӄу́шпа.

То́пӄэл ӄа̄дэрӷэт хэр 1-2 ме́тра шаӄ чове́шпа, То́пӄол ӄа̄дэрт ҷа́ҷҷэӷэл Шанд ӄва́ҷэт ӄа̄дэрӷэт ӄат ӄунд хэр 1-1.5 ме́тра шаӄ чове́шпа. Та́ӄӄэлта̄зичи́бэлӄа̄дэрлаӷэт хэр кыба́елаӷ чове́шпа, ундо́ ӄат мярӷ варӷла́ӷ пу́гумба.

Ӄӯла ӄат тапо́т ай уго́т и̇р[edit | edit source]

Уго́т ӄал пара́ӷэт маҗӧ́ӷэл ӄӯла ҷоӷа́лтаре́ маҗӧ́нд ӱппе́җеҳадэт. Ӄолдо́ӷэл, кыл ӄӯла оӄӄэрни̇̄ э́дэӷэт, ма̄тӄэт варгэлгуҳа́дэт. Тюйӷу́ла, пайӷу́ла ӄат та́эт таре́ э̄лгуҳадэт, мананҗли́ маҗӧ́нд ху́рутӄо квэ́ссадэт.

Ти̇ ӄат эл кыба́елаӷ арӄ э̄җешпа. Ӄваҷо́ӷэлӷӯла ӄат ӄунд та́эт таре́ варга́дэт, э̄дэлӷӯла ме́нэрэк варгле́шпадэт.