Wp/sel/Ишланд

И́шланд - (ишл.җӓре Ísland [ˈistlant] — «улго́т ӄа́дэр») - оӄӄэртэл та̄зит соӄӄоӷэл коламо, Таӷӷэл Эуро́пат Атла́нтэл варӷ ла̄зит таӷӷэл ӄандарӷэт иппа. Ишландэт коламот ӄадырт понҗ - 103.000 ме́трат кӧнтот э̄к. На коламот ҷвэҷ, оӄӄэр соӄӄэтӄо ай кочек кыба соӄӄолатӄо э̄я. Ишланд коламо, НАТО оӄӄэрдэп ай Шэнге́нӷэл нагырп омдэлҗэдэл лаӷатӄо э̄я, ундо Эуро́пат оӄӄэрдэт лаӷатӄо чаӈгва.

Коламот амдэл ӄваҷ - Рэйкыя́вик. Ӄулат коч - 368.590ӄу.

Нэмт пуҗ̇

И̇рэл Ишландэл чаптэ́лаӷэндо ӱнда́ - IX пара́, ви̇́ки̇ӈг мадурла на ҷвэҷэп перӷэлбыҳадэт ай варгэшпэмбэҳадэт. Каче́ Ísland нэмдыквадэт. Ундо ви́ки̇ӈг-упони̇ Флоки на соӄӄэп Snjøland нэмдыквэмбэҳат, натӄо на нэм "хэрфул ӄадэр" э̄җӓрелба. Арӄ э̄җэутэ, на соӄӄоӷэт уӄӄэрэмҗэл ӄутӄо ӄайлда Га́рдар э̄ҳа, ай на ҷвэҷэп «Гардарсхольм»тӄо нэмдэквышпэҳадэт.

Нопчелд соӄӄоӷэт

Ишландэт ҷвэҷоӷэт улголикала ай варӷ хэрмухтла иппадыт, ундо на варӷтаӷӷэл ӄадырӄо чаӈгва. Ишландэл нопчелд та̄зиӷэл ай ӄа́ннэмбэл, мярӷэҳул. Шэд та̄зиӷэл шорлаӷ Ишландэӷэл нопчелдэп ме́шпаӷ. На Та́ӷӷэл Атла́нтэӷэл (пӧтпэл) ай Пӱлпе́ляӷэл Агренла́ндэл шорла.

Ма́нҗэмбэл нопчелд

Ишла́ндэӷэт ванҗэл аре́д кек пӧтпэл э̄я, +20 ноппо́дыт манҗэт кочея. Ҷонҗэл по́дэт ноппо́т тавек +5 н.м. Ҷонҗэл подэл ноппот манҗ, +4 н.м. илӷэя а̄ а̄л̇чешпа.