Wp/sdh/کلیسای ئیسای ڕاسەقینە
کلیسای ئیسای ڕاسەقینە کلیسایگ دژ-دەسەیییە کە لە شار پکەن چینا دامەزریاگە، لە ساڵ ١٩١٧. سەرەک ئیسەیین کلیساگە پەساروان یۆنگ-جی لینە. ئیمڕووژە نزیگ ٢.٥ ملیون باوەر دیرن وەی کلیسایە.
دە ویر و باوەریەل ماکی[edit | edit source]
ئەی کلیسا باوەر دیرد کە ٣ چشت لە گشت چشتەل تر گرنگترن:
- ئیسا مەسیهـ ڕیگەی ئەڕا سانیارەگان ڕیگەی ڕووناک کردگە.
- ئیسا مەسیهـ وەتیەسە کە سانیارەگان (قدیسەگان) وە شیوەیگ ڕاسەوخۆ وە ڕسکانەوەی ئیمە مەربوتن.
- زیندەگی جاودانە؛ چینە ناو پاوشایەتی ئاسمانی.
- لە دوایش ئەوە کە ئیسا وە هەواریەگانی یا دا کە ئەی چشتەلە وە ئیمە بڕەسنن.
دە ویر و باوەری بنچینەلیی یەی کلیسا ئەیانەسە:
١.ڕەوان پیرووز : گردن ڕەوان پیرووز وەدەدیاگ کلیل تەزمین داشتن پاوشایەتیی ئاسمانی ئەڕا پێرەوەل ئەی کلیسایەسە.
٢.شووردن پیرووز (باپتیسم): شووردن وە ناو ئاو و ناو نیان شیوەیگە کە بە باوەر ئەی کلیسا هۆکار ئەوە بۊد کە گوناهەگان پاک بن و نەسلەگە ڕزگار.
٣.شووردن پایەل : ئەی کارە هۆکار (بائس) ئەوە بۊد کە ئەو کەسە کە پایەل دشوورگید، بەشداری بکەد وەگەرد ئیسا مەسیهـ. ئەی کارە هەمچنین نیشاندەر ئەیانەسە : خوەشەویستی (ئەوین)، پیرووزیەتی، سادەگی ، بەخشیان.
٤.سەرشەو پیرووز : سەرشەو پیرووز یا ئشای ڕەبانی ویرەوەریگە لە شەو مەرگ ئیسا مەسیهـ و شیمە دواگینەگەی. لەی مەراسمە نان فەتیر و ئاوەنگوور خوەن.
٥.ڕووژ شەمە : ئەی ڕووژە وە باوەر مەسیهیەگان و مووساییەگان ڕووژ ئاخر هەفتەسە و لە لای خوا پیرووزە کە لە داستان ئافراندن دنیا لێی فرە وەتیاگە.
٦.پرتوک پیرووز : بریتی لە نوسخەگان جاران و نەو کە گشت پێرەوەگان بایە وێ باوەر داشتبن.
٧.ڕسکان : ڕسکان لە لای خوا و وە واستەی باوەری وە ئایم ئێهدا بۊد. پێرەوەگان بایە وە ڕەوان پیرووز تەوەکول کەن و خوا ئێکرام بکەن و بەنەگانی دوس داشتبن.
٨.کلیسا : بریتییە لە کلیساگەی ئیسای ڕاسەقینە و ئەی باوەرە کە ڕەوان پیرووز لە دواگین وارانەگا وە مەردم پیواری (ئلهام) کرد کە ئەی کلیسا دوروس بکەن و وێ باوەر داشتبن.
٩.دویمین ئاخیز : ئیسا مەسیهـ لە دواگین ڕووژ دنیا لە لای خوا کیانا (فرستادە) بۊد ئەڕا نیشان دانن ڕاست و ناڕاست. ڕاستەگان را هەردا هەردا زیندەگی جاوەدانە کەن، وەلی ناڕاستەگان ئەڕا هەمیشە تاوانبار بن.
باوەریەل تر[edit | edit source]
کلیساگە کریستمەس جەشن نییەگرید، چونکە باوەر دیرید کە ئەی یە جەشن گەورانییە و لە بنەڕەتا لە ئایین مەسیهـ نەبییە.
هەمچنین کلیساگە جەشن هالۆوینیش نییەگرد چونکە ئەی جەشنیشە لە بنەڕەت و ئەسلا جشنیگ مەسیهی نییە.
جەشن پاک هەروا لە باوەر ئەی کلیسایە جێگای نییە.
پیشینەی دیروکی[edit | edit source]
سێ دامزرێنەر وەرین کلیسایە بریتینە لە : پائول وێی, لینگ شێنگ ژانگ, و لە دوایش بارناباس ژانگ بارناباس ژانگ. وەر باوەر و وەتەی کلیسا، پائول وێی وە ڕەوان پیرووز دوورووژگید (تەهریک بۊد) کە لە ڕووبار یۆنگ‌دینگا خوە وە تۊر پیرۊزانە بشۊرید و وەی جۊرە دیروک کلیساگەیش دەس وێ کەید.