Wp/sdh/ورازڕاو
ورازڕاو وە کوشتن وراز ئۊشن. لە زۊنەوە کوشتن وراز ئەڕاێ ئسباتکردن زاتداربۊن و نەبەزبۊن ئەنجام کریا. ئامانج کوشتن وراز بێجگە یە خواردن گووشت ورازە ک فرە تامدارە و هەم لە دین یارسان پیرووز و موقەدەسە. هەلەێوا وە کوشتن وراز نۊاێ خەساراتدانی وە چەردەیل و مەزرایل گرتیان.
لە نەخشەیل بەردین تاقوەسان وێنەیلێگ لە ورازڕاو هەس ک وە دەس شایل ساسانی کریاس. چون کرماشان و دەورووەری شکارگەێ تاویەت شایل ساسانی و پایتەخت تاوسانیان بۊە، ئیە نیشان دەێت ک ورازڕاو هە لە زۊەنە لە کرماشان باو بۊە و چون تاقوەسان جێگاێ ئایینیێگیش بۊە و پرە لە هێمایل (نمادەیل) دین مێرپەرەستی و نەخشەیلێگ لە هانێتا (ئاناهیتا) و ورمز (ئەهوورامەزدا) و مێر (میترە) لەناوی هەس، موقەدەس بۊن ورازڕاو لە زۊنە نیشان دەێت.
لە دین یارسانیش ک دین زۊنە و بنەکی کرماشانە ورازڕاو جێگەێ تاویەتێگ دێرێد و گووشت وراز چۊ نەزرێگ موقەدەس دۆئا لە سەری خوەنریەێت.