Wp/sdh/شەۊ
شەۊ جوورێگ کراس ژنانەس ک لە بڕێگ ناوچەیل کوردنشین جوور بەشێگ لە پرتاڵ کوردی لە وەر کریەێد. شەۊ درێژ و بڵینە و تا تک پا تیەێد. بڕین و دووڕانن پەروو ئەڕاێ شەۊ جوورێگە کە تا ژێر هەنگڵ چەسبیەێدە جەستە و لەورە تا خوار وە شکڵ مەخرووت تا تک پا و مل کەوش تیەێدە خوار. گاجار دەورەیل یەخە، کەڵەکە و پەراوێز خوار شەۊ وە زیوەرەیلێگ جوور پۊلەک، منجووق و ... ڕازانریەێد. ئەڕاێ دووڕانن شەۊ لە پەڕووەیلێگ جوور مەخمەڵ یا زەری ئسفادە کریەێد ک گاجار وەگشتی پۊلەکڕەژ یا منجووقدووڕی کریاێە. ڕەنگ پەڕووێ شەۊ جووراوجوورە، وەلێ فرەتر ئەڕاێ ژنەیل وەساڵاچی لە ڕەنگەیل تیەریک جوور بوور، سیە، سۊەرمێ و سەوز تووخ ئسفادە کریەێد و ئەڕاێ ژنەیل جوان یا دۊەتەیل بۊچگ لە ڕەنگەیل ڕووشن ئسفادە کریەێد.
شەۊ وە مل ژێرشەۊ لە وەر کریەێد.
سەرچاوە
[edit | edit source]- جعفربیگی، خسرو. مردم شناسی قوم کُرد با تکیه بر ایل کلهر، کرماشان: زانیار، ١٣٨٢؛ پ ٢٩٧.