Wp/sdh/زانستگەێ ڕازی
زانستگەێ ڕازی یا زانکۆی ڕازی (وە فارسیː دانشگاه رازی، وە ئنگلیسیː Razi University) زانستگەێگە لە شار کرماشان ک لە ساڵ ١٩٧٢ زایینی (١٣٥١ هەتاوی) دامزریاس.
دیرۆک[edit | edit source]
زانستگەێ ڕازی لە مانگ بێهمەن ١٣٥١ (فڤرییەێ ١٩٧٢) لە شار کرماشان وە ناو زانکۆی زانستەیل بنەمایی کرماشان (وە فارسیː دانشکدۀ علوم پایۀ کرمانشاهان) دامزریا، وەلی لە ساڵ ١٩٧٤ (١٣٥٣ هەتاوی) ناوەگەێ گووڕیا وە زانستگەێ ڕازی. ئەی ناوەند زانستیە لە نێوساڵ ١٣٥٢-١٣٥١ لە ڕشتەیل فیزیک، شیمی، ژینگەناسی و ڕییازی ٢٠٠ خوەندەوان گرت و دەس کرد وە کار خوەی. دامزرانەر زانستگاێ ڕازی فرەیدوون مۆتەمەدوەزیری بۊە ک لە هاوکاری وەگەرد عەبدوڵعەلی گوویا ئەی زانستگە دامزرانیە. زانستگەێ ڕازی وە دۊای زانستگەێ زانستەیل پزێشگی کرماشان دووەمین زانستگە لە ڕۆژهەڵات کوردستان و ناوچەێ ڕۆژاواێ ئێران بۊە.
لە ساڵ ١٣٩٥ (٢٠١٧ زایینی) زانستگەێ ڕازی فرەتر لە ١٢٣٤٧ کەس خوەندەوان داشتییە ک لە ١٠ زانکۆ (کۆلێژ) و ٢ فێرگە (ئامووزشکەدە) لە پلەیل کارزانی، کارناسی، کارناسی واڵا و دوکتورا دەرس خوەنیان.
زانستگەێ کوردستان لە سنە و زانستگەێ ئیلام لە شار ئیلامیش تا ساڵ ١٩٩١ زایینی (١٣٧٠ هەتاوی) بەشێگ لە زانستگەێ ڕازی کرماشان بۊن ک لەی ساڵ جییا بۊن و ئەڕاێ خوەیان بۊن وە زانستگەیلێگ خوەسەر. زانستگەێ کوردستان تا وەر لە خوەسەری ناوی زانکۆێ ئیوەتکردن دەبیر (وە فارسیː دانشكده تربيت دبير سنندج)، و زانکۆی ئیلام ناوی زانکۆێ ئاژەڵداری ئیلام (دانشكده دامپروري ايلام) بۊ.
زانکۆەیل زانستگەێ ڕازی[edit | edit source]
زانکۆێ زانستەیل بنەمایی[edit | edit source]
زانکۆێ وەرزێری و سەرچاوەیل سرۆشتی[edit | edit source]
زانکۆێ فەنی و ئەندازیاری[edit | edit source]
زانکۆێ ئاژەڵپزێشی[edit | edit source]
زانکۆێ ئیوەتکردن جەستە (وەرزش)[edit | edit source]
زانکۆێ ئەدەبییات و زانستەیل ئنسانی[edit | edit source]
زانکۆێ زانستەیل کوومەڵایەتی[edit | edit source]
زانکۆێ شیمی[edit | edit source]
زانکۆێ فەنی و ئەندازیاری شاباد[edit | edit source]
زانکۆێ وەرێوەبەرایەتی و ئەژمارداری جوانڕوو[edit | edit source]
زانکۆێ سەنعەت نەفت[edit | edit source]
زانکۆێ هونەر و مێعماری[edit | edit source]
سەرووکەیل زانستگەێ ڕازی لە سەرەتا تا ئیرەنگە[edit | edit source]
- عەبدولعەلی گوویا - فیزیک ئەتومی - لە ٢ بێهمەن ١٣٥١ تا ٢٣ ئسفەند ١٣٥٢
- فرەیدوون مۆتەمەدوەزیری - ماف سییاسی - لە ٢٤ ئسفەند ١٣٥٢ تا ١٣ ئسفەند ١٣٥٧
- موزەفەر ئەسەدی - شیمی - لە ١٤ ئسفەند ١٣٥٧ تا ٣١ ئوردیبهێشت ١٣٦٠
- مامەدحوسێن ئازەرمنییا - ؟ - لە ٢٤ خوەرداد ١٣٦٠ تا ١٠ شاریوەر ١٣٦٠
- حوسێنعەلی کووهستانی - زانست ئیوەتکردن - لە ١١ شاریوەر ١٣٦٠ تا ١٨ مێهر ١٣٦٥
- عەلیئەکبەر نەجەفی - ؟ - لە ١٩ مێهر ١٣٦٥ تا ١٧ بێهمەن ١٣٦٦
- عەلیئەکبەر ڕەجەبی - فیزیک - لە ٢٨ بێهمەن ١٣٦٦ تا ٢٨ ئابان ١٣٧٢
- مامەدمەهدی خودایی - شیمی ئەندامی (ئورگانیک) - لە ٣٠ ئابان ١٣٧٢ تا ١٤ بێهمەن ١٣٧٦
- مورتەزا مەموویی - وەرزێری - لە ١٥ بێهمەن ١٣٧٦ تا ٢٠ مێهر ١٣٨٠
- مامەدرەزا زەمانی - ژینگەناسی - لە ٢١ مێهر ١٣٨٠ تا ١٠ دەی ١٣٨٢
- عزەتوڵڵا فەرشادفەر - گژوگیا - لە ١١ دەی ١٣٨٢ تا ٣ ئەمورداد ١٣٨٦
- مامەدمەهدی خودایی - شیمی ئەندامی (ئورگانیک) - لە ٤ ئەمورداد ١٣٨٦ تا ١٧ فەروەردین ١٣٩٣
- مامەدئبراهیم ئەعلەمی ئال ئاقا - ئەندازیاری مکانیک - لە ١٧ فەروەردین ١٣٩٣ تا ئیرەنگە