Wp/sdh/رۆمان نوار

From Wikimedia Incubator
< Wp‎ | sdh
Wp > sdh > رۆمان نوار
بالزاک:یەی دەردسەر ئەڵاجەۊ (۱۸۴۱)‌

رۆمان نوار تۊەنێدن ناو مەقامی خوەی ، ژێرشاخەێگ لە ژانر ، یاگەر بەشێگ له رۆمان پولیسی بایدە ئەژمار یا بچوودە ناو دەسەێ رۆمان موئه‌مائی یاگه‌ر رۆمان رخدار، ھەلەێوا وه بۆنی یه‌کی وه ناو هزار فرم، رواڵو شێوەێ خوه‌ی دێرێد. بنەواێ رۆمان نوار ها له بەن رۆمان پولیسیەگانێگ ک له سەدەێ نوزده که‌فتنه‌سه رێ. ژانرێگ ک له ئه‌سل، له ساڵەگان 1920 له ئەیالەتە یەکەوگرتیەگان ئامریکا پێیا بۊە، وه‌گه‌رد یه‌ی مه‌یل و ته‌ماکارێگ ئڕاێ بڵاوکردن و وازگفت هه‌قیقه‌ت ژیان ناو وڵاتەگە: ھەڵەیل وەسازمان و گرووپ مافیایی.

ئمجا وەدۊاێ شەڕ گەردۊنی دوەم بۊ ک رۆمان نوار گیان گرد و ناو دەرکرد و بۊە ساوقەدر له‌ ئه‌و پێشینەێ دیرۆکی. رۆمان نوار ئمرووژ یەی رۆمان پولیسیه ک قاژێگ له هه‌قیقه‌ت کوومەڵگا نۊساس، وه‌ نیگای نارەزایی،‌ وه‌ گه‌ردْ خوەیا باس رەخنەکەرانە و قه‌رقه‌شه‌ و دیدگاێ ئێترازی دێرێد. رۆمان نوار له‌ بنه‌واو و بنچینە، بۊنێگ سیەرنجکەرانە و داواکەرانە دێرێد، سنوور خوەی وەگەرد رۆمان موئه‌مائی دیاری کەێد، دنیاێگ ک دڕام له‌ ناوی پێیا بوود، وه‌ ره‌وش و ره‌فتار پێشبینی کریاێ کەمتر و سەرگەرمی و سه‌یران کەمتر بۊە.

ناسانن[edit | edit source]


ناسانن رۆمان نوار وەگه‌رد ئێ بنه‌مای ناپایار و ھه‌ڵگۊیه‌ڕیان گوڕاێ گوڕ له‌ ناو زه‌مان کار سه‌ختێگه‌ . ئه‌ما ھه‌میش تۊه‌نیمن وه‌ چه‌ن کوڵه‌که‌ی ھه‌میشه‌گی ناو بوێم ک فرم رۆمان نوار سازن : یه‌ی دۊنیای به‌دخولق و ره‌ق، نگای تراژیکو ره‌شبین وه‌ کومه‌ڵگا، یه‌ی جێگیری په‌ێوه‌ندار سه‌خت و یه‌ی ژێرفه‌رمان بون کومه‌ڵگای یا سیاسی .

سەرچەم[edit | edit source]