Wp/sdh/ئەڵماسخان کەنوولەیی

From Wikimedia Incubator
< Wp‎ | sdhWp > sdh > ئەڵماسخان کەنوولەیی
Jump to navigation Jump to search

سەرھەنگ ئەڵماسخان خەڵق ئاوایی کەنوولە(Kenûle)، لە ناوچەێ دینەوەر لە پارێزگەێ کرماشان ، لە سەردەم پادشایی نادێرشاێ ئەڤشار ۱۱۴۸- ۱۱۶۰ ژیاس و یەکێگ لە ئەفسەرەیل پایەبەرز دەمودەزگاێ والی ئەردەڵان بۊە.

ژیان[edit]

سەرھەنگ ئەڵماسخان لە سەردەم نادێرشا فەرماندەر تیپ سنە(فەوج کوردستان) سپاێ نادێری بۊە. لە شەڕ سپاێ نادێڕ و ھازەیل ئسمانی وە فەرماندەری تووپاڵ ئسمان پاشا لە مانگ سەفەر ۱۱۴۶ کووچی مانگی (۱۷۳۳ زایینی و ۱۱۱۲ کووچی ھەتاوی) لە قەڵاێ کەرکووک، سپاێ نادێر لە سەر ئشتباێ ئەڵماسخان ناچار وە پاشەکیشە بۊ. نادێر وە مدووێ ئەی ئشتبا ئەڵماسخان لە پایەێ خوەی دەر کرد و ئڕاێ تاوانبارکردنی خاجەی کرد. ئەڵماسخان لەو دۊا لە ئاوایی باوان خوەی لە تەنیایی ژیان خوەی وەرد وێشە و مووسیقا ویەران.

ئەڵماسخان وە پایەێ نۊسیاێەیل موحەمەدعەلی سوڵتانی لە حەدیقەێ سوڵتانی گەھا لە ئەنجامەیل سەدەێ دوانزەم کووچی مانگی و ناوەین ساڵەیل ۱۱۹۰ تا ۱۲۰۰ کووچی مانگی(۱۷۷۶ تا ۱۷۸۶ زایینی) مردیە.

بەرھەمەیل[edit]

لە بەرھەمەیل ئەڵماسخان بوود ئاماژە وە خوەرشید و خەرامان، ھەف لەشگەر و نادێرنامە و شرین و فەرھاد بکەیم ک وه زوان کوردی ھەورامی ھاوردیەسیانە نەزم. بەڵام ناسیاێترین کار ئەڵماسخان شانامەێ کوردیە ک کوومەڵێگ لە ئەوسانەیل و چیرۆکەیل حەماسی خەڵق باشوور ڕۆژھەڵات کوردستانە.