Wp/sdh/ئەفلاتوون

From Wikimedia Incubator
< Wp‎ | sdh
Wp > sdh > ئەفلاتوون
کۆپی پەیکەرەێ ئەفلاتوون، کار سیلانیون

ئەفلاتوون، پلاتۆ یا پلاتوون (وە یوونانی: Πλάτων)، (٤٢٨/٤٢٧ یا ٤٢٤/٤٢٣ – ٣٤٨/٣٤٧ وەرجە زایین) فیلسووف یوونان زۊنە بۊ ک لە دەورەێ کلاسیک لە شار ئاتێن لە داڵگ بۊ. ئەفلاتوون لە ئاتێن ئاکادێمی دامەزراند ک مەدرەسەێگ فەلسەفی بۊ ک لە ناوی وانەیل فەلسەفی پێشکەش کردیاد ک پاشتر وە ناو پلاتوونیزم ناسریان. پلاتۆ/پلاتوون یا ھەر ئەفلاتوون ناوێگە ک لە نۊسیایلی ئەو کار گرتیە و لە نازناوێگ گیریاس ک لە لایەن ڕاھار زوورانی وە پێ دریایۊ و چمان وە خاتر قەۊبۊن جەستەگەی وە پێ وەتریاس. چناوکە دیۆژنێس سینۆپی لە ئەلکساندر میلێتوسی نەقڵ کردیە ناو ڕاسەگانیی ئاریستۆکلێس کوڕ ئاریستۆن خەڵق پەراوێز کولیتوس (ناوچەێگ لە ئاتێن) بۊیە.

ئەفلاتوون داھار نۊساێن ماژەیل دیالۆگ و دیالێکتیک لە فەلسەفە بۊیە. ئەو ئەڕاێ ئەو چشتێگ ک پاشان بۊ وە گشت دەڤەرەیل سەرەکی فەلسەفەێ تیۆری و فەلسەفەێ کرداری، کێشەیلێگ وەرنیا کرد. ناسیاێترین بەشداریی تیۆری ماژەیلە ک لە ناوی چارەێگ ئەڕاێ کێشەێ جھانەیل وەرنیا کەێد. ئەو ھەلەیوا ناو خوەی وە ئەوین ئەفلاتوونی و حەجمەیل ئەفلاتوونی داس.

دیاریترین کاریگەرییەیل فەلسەفیی فرەتر وەگەرد سوقرات، پیتاگوراس پێش-سوقراتی، ھراکلیتوس و پارمنیدەس زانریەێد، ئەیەرچە ژمار فرە کەمێگ لە کارەیل پێشەنانی وە جێ مەنیە و فرەتر ئەو چشتێگ ک ئمڕووژە لەوارەێ ئەی کەسایەتییەیلە زانیمن لە ئەفلاتوون خوەی گیریاس.

ئەفلاتوون وەگەرد سوقرات مامووساگەی و ئەرەستووێ شاگردی، کەسایەتییەیل سەرەکی دیرووک فەلسەفەن. وازانریەێد ک وەپێچەوانەێ کارەیل ھەڵایە گشت ھاوچەرخەیلی، گردێتی کوومەڵەێ کارەیل ئەفلاتوون ئەڕاێ ٢٤٠٠ ساڵ ئەنەخورد وە جێ مەنیە. ئەیەرچە وەحەزبۊن کارەیل ئەفلاتوون ھەمیشە یەێجوور نەۊیە، وەلی ھەمیشە و وە شێوەێگ بەردەوام خوەنریانەسوە. ئەفلاتوون لە ڕێگاێ نووپلاتوونیزم ھەم لە سەر فەلسەفەێ مەسیحی و ھەمیش لە سەر فەلسەفەێ ئسلام (بەسبار فارابی) کاریگەری فرە گەورەێگ داشتیە. ئالفرێد نۆرس وایتھێد نەقڵ ناسیاێگ دێرێدن ک ئۊشێدن لە سەردەم مدێرن: "خاترجەمترین وەسف لە نەریت فەلسەفەێ ئورووپایی یەسە ک لە زنجێرەێگ لە پانۊسەیل لە سەر فەلسەفەێ ئەفلاتوون پێک ھاتیە."