Wp/sas/Pelecing Kangkung
Pelecing Kangkung no kelakan populer khas lek Lombok. Pelecing kangkung iye te piak lengan kangkung te rebus kance te sajiang pas iye anget kance seger bareng sambel terong acéh, ye tepinak lengan sebia rawit, sie, terasi, kance terong acéh, kance biase tebéng tetesean jeruk limau. Sejarah kakenan ine mangin lengan Bali terus tejauq léq Lombok kance pasukan Bali pas iye dateng nguasain Lombok taon 1692 Masehi, léq Lombok kakenan ine terus berkembang kance rase lokal.
Biasane girang te dampingin kance Ayam Taliwang. Léq pulau Lombok, pelecing kangkung biasane tesajiang perombok sayur marak toge, antap, kacang goreng, ato urapan. Bahan pelecing kangkung léq Bali ndéq ne seluéq maraq pelecing kangkung léq Lombok, ye lengan kangkung, sambel, kuah pindang, kance kacang. Beda lengan plecing kangkung Lombok saq wajib kance toge, toge léq plecing kangkung Bali bahanne terserah ite. Pelecing kangkung léq Bali girang tesajiang kance Ayam Betutu.
Kangkung siq tekadu ngélaq ino ye khas, ndek ne mangkun tanaman kangkung sayur sak lazim tekadu léq Pulau Jawe no, laguq iye tekadu kangkung aiq sik biase tetanem léq kokoh siq ngalir, terus temauq kangkung sak batang ne béléq kance rengiq.
Rujukan
[edit | edit source]