Wp/sas/Kalénder Rowot Sasaq
Kalénder Rowot Sasaq no sistem tanggalan tradisional Suku Sasaq. Kalénder ni kawih bintang Rowot haq muncul léq timuq pas subuh adén ngitung tanggal kance ari. Bintang Rowot ni biasen jaq muncul léq timuq léq bulan Agustus sampé Désémber haq jari penandaq awa tahun dengan Sasaq. [1] Ntan dengan sasaq kadu pengèngatan langsung bintang Rowot kance ngitung maraq kalénder Hijriyah kance kalénder Jawe jari salah sekéq bukti campuran budaya Arab, Jawe, kance Sasaq léq jaman laéq. [2]
Rowot Nusantara Lombok
[edit | edit source]Nani, araq lembaga haq ngitung kance nyétak Kalénder Rowot Sasaq, Rowot Nusantara Lombok (RONTAL) aranen. [3] Kalénder ni teitung siq Lokaq léq Lomboq Lauq kance kyai léq Lombok Daye. [4] [5] Selain no, RONTAL ni araq ngaji haq lain-lain, pokokn araq hubungan kance budaya tradisional dengan Sasaq, kususen Kalénder Rowot ni, lontar, seni tradisi, sejarah, kance haq lain-lain.
Warige
[edit | edit source]
Papan Warige ato Urige no papan almanak haq bedoé pungsi siq alat penyesuaian antare pengéngatan bintang Rowot kance itungan hisab. Papan Warige no papan haq bedoé simbol unik haq nyatet wetu kance ruen astrologi haq araq léq masarakat Sasaq. [6] Dalem budaya Sasaq, araq 4 jenis papan Warige haq bedoé pungsin masing-masing. Papan Warige no araq Tike Lime, Tike Pituq, Wong-Wong, kance Édar Nage. [7]
Aran wetu léq kalénder Rowot
[edit | edit source]Aran wetu léq sejelo
[edit | edit source]Sejelo no araq 24 jam, haq tebagi jari 8 waktu. Akhir jelo no biasen jaq léq waktu Sandikala sebelum maghrib. Léq akhir jelo ni, kelapuq gawéan harus wah selesé kance kelapuq dengan harus wah léq dalem balé. Léq tabél bawaq ni araq pembagian wetu dalem sejelo. [8]
| No | Aran | Keterangan |
|---|---|---|
| 1 | Kelema' | Subuh sampé jam 9 |
| 2 | Panas Lapar | Jam 9 sampé 10 |
| 3 | Tengari | Jam 10 sampé 15 |
| 4 | Tengari Galéng | Pas jam 12 |
| 5 | Éléq Éléq | Jam 15 sampé 17:30 |
| 6 | Sandikala | Jam 17:30 sampé 18 |
| 7 | Kekelem | Jam 18 sampé tengaq malem |
| 8 | Dingari | Tengaq malem sampé subuh |
Aran jelo
[edit | edit source]Jelo léq kalénder Rowot no araq 7 jelo. Kelapuq aran jelo no kadu Base Sanskerta haq mirip kance Kalénder Jawe. [9] Léq tabél léq bawaq ni, araq perbandingan aran jelo léq kalénder Grégorius, Kalénder Hijriyah, kance kalénder Jawe:
| No | Kalénder | |||
|---|---|---|---|---|
| Grégorius | Hijriyah | Rowot | Jawa | |
| 1 | Minggu/Ahad | al-Ahad | Radite | Radite |
| 2 | Senin | al-Itsnayn | Some | Soma |
| 3 | Selase | ats-Tsalaatsa' | Anggare | Hanggara |
| 4 | Rebo | al-Arbaa'a/ar-Raabi' | Bude | Budha |
| 5 | Kemis | al-Khamsah | Wréspati | Réspati |
| 6 | Jumat | aj-Jumu'ah | Sukre | Sukra |
| 7 | Sabtu | as-Sabt | Saniscare | Tumpak |
Aran bulan tebandingan siq kalénder Hijriah
[edit | edit source]Aran bulan-bulan léq kalénder Rowot no baun tesambungan juq Kalénder Hijriah. Aran-aran léq bulan-bulan ni tedasaran siq ape haq araq léq bulan Hijriah no. Léq tabél bawaq ni tebéng aran bulan Hijriah kance aranen léq kalénder Rowot kance ape baé kejadian léq bulan no. [10]
| No | Kalénder Hijriah | Kalénder Rowot | Pélo Bulan | Kejadian |
|---|---|---|---|---|
| 1 | Muharam | Bubur Putéq | 30 jelo | Araq ritual bubur putéq |
| 2 | Safar | Bubur Béaq | 29 jelo | Araq ritual bubur béaq |
| 3 | Rabiul awal | Mulud ato Mulut | 30 jelo | Araq Mulud Nabi Muhammad |
| 4 | Rabiul ahir | Suwung Pertame ato Suwung Penembéq | 29 jelo | Ndéq araq ape-ape |
| 5 | Jumadil awal | Suwung Penengaq | 30 jelo | Ndéq araq ape-ape |
| 6 | Jumadil ahir | Suwung Penutuq | 29 jelo | Ndéq araq ape-ape |
| 7 | Rajab | Mikrat | 30 jelo | Araq Isra Mikrat |
| 8 | Sya'ban | Roah | 29 jelo | Araq bulan roah |
| 9 | Ramadhan | Puase | 30 jelo | Pas bulan puase |
| 10 | Syawwal | Lebaran Nine | 29 jelo | Araq Idul Fitri |
| 11 | Dzulkaidah | Lalang | 30 jelo | Araq ritual due bulan |
| 12 | Dzulhijjah | Lebaran Mame | 29/30 jelo | Araq Idul Adha |
Aran mangse tebandingan siq kalénder Masehi
[edit | edit source]Léq kalénder Rowot, araq éndah tetaon mangse ato musim. Araq 12 mangse iyen tedasaran siq gejala alam léq mangse no. Mangse léq ti ndéqn harus pas sebulan, laguq araq haq bedoe beberapa bulan kance ada haq bedoé beberapa minggu doang. Léq tabél ni, tejelasan aran mangse-mangse haq tetaon léq kalénder Rowot. [11]
| No | Mangse | Gejala Alam | Penjelasan |
|---|---|---|---|
| 1 | Sekéq | Rowot | Bintang Rowot muncul haq jari penanda awal taun. |
| 2 | Due | Kembang Komaq | Kembang komaq tumbuh. Kembang komaq no tetaletan lokal sejenis Kapri. |
| 3 | Telu | Adél Minyaq | Mulai muncul adan haq bahaye juq tetaletan. |
| 4 | Empat | Kembang Randu | Kapuk randu wah mulai muncul kembangen. Kapuk randu no tetaletan haq ngasilan kapas. Selain no, araq éndah tetaletan Boroq kance guntur haq tesebut "Guntur Kapat". Guntur ni jari penande peristiwa "lawang taun" haq bebalaq bertani. |
| 5 | Lime | Romot Loam | Tumbuh tetaletan lokal haq bedoé aran Loam. |
| 6 | Enem | Romot Bagéq | Araq mulai tumbuh daun odaq kayuq Asem Jawe kance Jelo ngalih juq garis Katulistiwa. Léq daye araq guntur kance ujan selama 3 jelo haq tetaon siq Hujan Pengelomang Jami. Araq éndah Bao Daye, no awan léq sekitaran Gunung Rinjani. Tanggal 6, 16, kance 26 léq bulan ni araq peristiwa dedeng telang lasing Jelo léq atas ulu. Léq Sasaq, peristiwa ni tebeng aran Tumbuq. |
| 7 | Pituq | Ngempok Waras | Araq muncul kedit lokal haq bedoé aran Tembeoq kance aiq lauq pasang haq tebéng aran Jelo Padaq kance araq angin kocét. Léq bulan ni, suhu tinggang jarin kayuq teréng belah. Ndéqn kanggo nikah éndah lasing penoq bencane. Lamun araq haq ngelanggah, balén dengan no tebéng teréng adén tetandaq. Lamun araq bebéaq metu, nie biasen sakit-sakitan, jarin teasinan sementara. Laguq, nani dengan Sasaq wah ndéqn kadu awik-awik no. |
| 8 | Baluq | Mulai ujan kance mulai daun orak | Wah mulai ujan kocét kance daun-daun léq kayuq mulai ngorak. |
| 9 | Siwaq | Ujan beléq kance muncul tengkong | Wah mulai ujan beléq kance araq muncul tengkong. |
| 10 | Sepulu | Nyalé kance kembang Kukun | Mulai muncul Nyalé kance araq tumbuh tetaletan Kukun. Léq bulan ni, araq acare Bau Nyalé éndah. |
| 11 | Solas | Nyalé Poto kance Teréséq | Wah Nyalé Poto, ketutuqn Nyalé keluah, sekitaran tanggal 20 léq bulan ni. Selain no, araq éndah tengkong haq tumbuh léq kayuq haq tebéng aran Teréséq kance araq éndah Ikan betoq. |
| 12 | Dueolas | Tenggale | Muncul bintang Tenggale haq jari tande ketutuqn taun kalénder Rowot. |
Aran taun
[edit | edit source]Kalénder Rowot no ndéqn kadu taun-taun, laguq kadu pola siklus haq tesebut Windon. Siklus ni ngulang setiap 8 taun. Angkaqn aranen Windu, mirip kance kalénder Jawe. [13] Kadu sistem Windu ni, kalénder Rowot ngikut sistem bulan maraq Hijriah haq kadu hisab Urfi. Ni aran taun-taun léq kalénder Rowot.
| No | Kalénder Rowot | Kalénder Jawe |
|---|---|---|
| 1 | Alip | Alip |
| 2 | Éhé | Éhé |
| 3 | Jimawal | Jimawal |
| 4 | Ze | Ze |
| 5 | Dal | Dal |
| 6 | Bé | Bé |
| 7 | Wau | Wawu |
| 8 | Jimahir | Jimakir |
Rujukan
[edit | edit source]- ↑ Awaludin 2020, p. 132.
- ↑ Muzayyinul Wathoni 2020, p. 111.
- ↑ Awaludin AL – AFAQ 2019, p. 96.
- ↑ Bemi Sado 2023, p. 323.
- ↑ kohar 2021, p. 4.
- ↑ Muzayyinul Wathoni 2020, p. 112.
- ↑ Awaludin AL – AFAQ 2019, p. 112.
- ↑ amin 2015, p. 132.
- ↑ kohar 2021, p. 124.
- ↑ kohar 2021, p. 122.
- ↑ Awaludin 2020, pp. 27.
- ↑ Muzayyinul Wathoni 2020, p. 114.
- ↑ kohar 2021, p. 130.
Daptar macean
[edit | edit source]Buku
[edit | edit source]- Awaludin, Muhammad. Astronomi Tradisi (Membaca Kalender Rowot Sasak) (PDF). Kota Mataram: UIN Mataram Press. ISBN 978-623-95282-4-9. Retrieved 2025-06-11.
- Kearifan Lokal Masyarakat Nelayan Tanjung Luar Lombok Timur NTB. Jakarta: Kementerian Pendidikan dan Kebudayaan. ISBN 978-602-74039-5-6. Retrieved 2025-06-11.
- Kohar, Abdul; Ma'sum, Ahmad. Mengamati Bintang Rowot Sasak Perspektif Astronomi. UIN Mataram Press. ISBN 978-623-95499-9-2. Retrieved 2025-06-11.
- Almanak Desa. Jakarta: Kementerian Desa, Pembangunan Daerah Tertinggal, dan Transmigrasi Republik Indonesia.
- Amin, Ahmad (1977). Adat Istiadat Daerah Nusa Tenggara Barat. Jakarta: Proyek Penelitian dan Pencatatan Kebudayaan Daerah.
Waktu sepanjang 24 jam dibagi dalam waktu kelema' yaitu dari waktu subuh sampai jam 09.00 pagi. Panas lapar dari jam 09.00 sampai 10.00 siang. Tengari, ialah dari jam 10.00 sampai jam 15.00. Jam 12.00 tepat disebut tengari galeng. Dari jam 15.00 hingga jam 17.30 disebut ele' ele'. Menjelang jam 18.00 disebut sandikala. Jam 18.00 hingga jam 24.00 tengah malam disebut kekelem. Waktu setelah jam 24.00 hingga subuh disebut dingari.
Jurnal
[edit | edit source]- Muzayyinul Wathoni, Muhammad. "Penentuan Awal Bulan Kalender Rowot Sasak Perspektif Fikih dan Astronomi". Al - AFAQ, Jurnal Ilmu Falak dan Astronomi. 3: 109–130. Retrieved 2025-06-11.
- Awaludin, Muhammad. "Kalender Rowot Sasak (Kalender Tradisi Masyarakat Sasak)". AL – AFAQ, Jurnal Ilmu Falak dan Astronomi. 1: 89–101. Retrieved 2025-06-11.
- Bemi Sado, Arino; Awaludin, Muhammad; Haikal Rivaldi, Muhammad. "KALENDER ROWOT SASAK "Akulturasi Budaya Islam, Budaya Jawa Dan Budaya Sasak"". Jurnal Elfalaky. 7 (2): 313–328. Retrieved 2025-06-11.
Sumber daring
[edit | edit source]- Raditya Pamungkas, Firga (2024-12-27). Firga Raditya Pamungkas, Gangsar Parikesit (ed.). "Mengenal Kalender Rowot Sasak, Warisan Budaya Masyarakat Lombok". detikbali. Retrieved 2025-06-11.
- Muhammad Nursyamsyi, Hazliansyah, ed. (2015-05-08). "Ngandang Rowot, Ajang Tradisi Budaya di Lombok". Republika Online. Retrieved 2025-06-11.