Wp/ryu/沖縄で好きになった子が方言すぎてツラすぎる

『沖縄で好きになった子が方言すぎてツラすぎる』（うちなーうぅてぃしちなたるっくゎぬくとぅばしじてぃくちしじーる）ー、空えぐみにゆるやまとぅぬ漫画作品。むとぅからー2019年5月31日んかいちゅくやーぬTwitterにてぃ「沖縄で好きになった子が方言すぎて何言ってるかわからない話。」（うちなーうぅてぃしちなたるっくゎぬくとぅばしじてぃぬー言ちょーんがわからん話。）ぬタイトルっし公開されい、すぬ後新潮社ぬウェブコミックサイト「いーらーバンチ」にてぃ、2020年1月10日から連載中。略称ー「とぅなかツラ」。テレビアニメぬ2025年1月から3月までぃ放送さったる。

三角かかわい軸んかい、うちなーあんあしが盛り込まったる作品とぅなとーる。

作中ぬくとぅばーうちなーんまりぬ譜久村帆高ぬ監修そーん。

制作背景

ちゅくやーぬ空えぐみー上京後にうちなーんまりぬ漫画家とぅ知り合い、話ちちゅるまーにうちなーんかい興味むちゅるようなたんでぃぬ。やてぃうちなー題材なちゃる漫画描かんでぃうむい立ち、2018年んかいうちなーぬうるま市んかい移住。うちなー題材なちゃるわきにちいてー、たんめーぬうちなーんまりっし、どぅーぬルーツんかい惹かったるたみんでぃん語とーる。

話ちゅくいんにあたってぃ、まじヒロインうちなーぐち話するっくゎ、主人公県外からぬ転校生んかい決みたん。そうするとぅ通訳者がいりゆーなたるたみ、なーちゅいぬヒロインとぅしてぃ登場しみーるくとぅなし、三角かかわいないるぐとぅんでぃ設定組み立てぃてぃんじゃる。

作中ぬネターちゅくやーぬ実体験ぬむとぅなてぃうぅい、日々地域ぬっちゅぬちゃーとぅ交流する中っしヒント得てぃ描ちょーんでぃぬ。

あらすんじ

東京からうちなーぬ学校んかい転入さる主人公・中村照秋（なかむら てるあき）ー、同級生とぅなたる喜屋武飛夏（きゃん ひな）んかい好意ゆしとーしが、ありが話するうちなーぐちが分からじ、ありぬどぅしやん比嘉夏菜（ひが かな）んかいちゃーたしきらっとーたん。とぅくるがなち菜ー照秋んかい片想い中でぃあった。

テレビアニメ

2023年7月にテレビアニメ化が発表さったん。2025年1月から3月までぃ沖縄テレビ放送、琉球放送、琉球朝日放送、TOKYO MXふかうぅてぃ放送さったん。ナレーショノー新垣樽助Template:Wp/ryu/R。

主題歌

「大大大好き」

HYにゆるオープニングテーマ。作詞ー名嘉俊とぅ新里英之、作曲ー新里英之。

「島人ぬ宝」

ひーなー（鬼頭明里）&かーなー（ファイルーズあい）にゆるエンディングテーマ。作詞・作曲ーBEGIN、編曲ー片山義美。

「あなたに」

ひーなー（鬼頭明里）&かーなー（ファイルーズあい）にゆるエンディングテーマ。作詞ーうぃー江洌清作、作曲ーMONGOL800、編曲ー片山義美。

「Best Friend」

ひーなー（鬼頭明里）&かーなー（ファイルーズあい）にゆるエンディングテーマ。作詞・作曲ー玉城千春、編曲ー片山義美。

外部リンク

• 沖縄で好きになった子が方言すぎてツラすぎる - くらげバンチ
• TVアニメ『沖縄で好きになった子が方言すぎてツラすぎる』公式