Wp/rkt/গণিত

পৰিমাণ (quantity), গঠন (structure), পৰিবৰ্তন (change) আৰ স্থান (space)-বিষয়ক গবেষণাকে সাধাৰণতে গণিত বোলা হয়। অন্য কিছু মানুষেৰ মতে গণিত হৈল "চিত্ৰ (figure) আৰ সংখ্যাৰ (number) গবেষণা", কিন্তু এইটা হৈছে গণিতেৰ অতি সৰল সংজ্ঞা। গণিতেৰ দৰ্শনেৰ ভিন্ন ভিন্ন দৃষ্টিভঙ্গিৰ মতে গণিতেৰ ভিন ভিন সংজ্ঞা দেখা যায়। বিধিগত (formal) দৃষ্টিকোণ মতে গণিত হৈল যুক্তিবিজ্ঞান (logic) আৰ বিশেষ প্ৰতীক-চিহ্নাদি (notation) ব্যবহাৰ কৰিয়া স্বতঃসিদ্ধ-ৰূপে সংজ্ঞায়িত বিমূৰ্ত গঠনগুলানেৰ (axiomatically defined abstract structures) গবেষণা, অৰ্থাৎ গণিত হৈল বিভিন্ন ধৰণেৰ বিমূৰ্ত মানসিক খেলা আৰ গণিতৰ কাম হৈল এই খেলাৰ নিয়মগুলান আৰ বিভিন্ন খেলাৰ মাজত সম্পৰ্ক স্থাপন কৰা। অন্য এক বাস্তবতাবাদী (realistic) দৃষ্টিকোণেৰ মতে গণিত হৈল অইগুলান বস্তু বা ধাৰণাৰ গবেষণা, আমাৰ যুক্তিনিৰ্মাণ (reasoning) নিৰ্বিশেষে যাৰ স্বাধীন অস্তিত্ব আছে। অৰ্থাৎ গণিত বাস্তব বস্তুৰ গবেষণা, মানুষেৰ মনেৰ বিমূৰ্ত সৃষ্টি নাহায়, আৰ গণিতজ্ঞগুলানেৰ কাম হৈল মূৰ্ত বাস্তবতাৰ থাকিয়া গণিতেৰ বিভিন্ন বিমূৰ্ত সূত্ৰ উদ্ঘাটন কৰা। বিজ্ঞানেৰ সগ শাখাতে গণিতেৰ ব্যবহাৰ আছে; গণিতক অইজৈন্যে "বিজ্ঞানেৰ ভাষা", "বিশ্বৰ ভাষা" আৰু "সমস্ত বিজ্ঞানেৰ ৰাণী" বুলিয়া কোআ হয়।