Wp/rki/စန်းမြင့်ထွန်း
| စန်းမြင့်ထွန်း | |
| {{{Bio}}} | |
| မွီးသက္ကရာဇ် | 14/11/1989 |
| နာမည်ရင်း | ညီစေ့ |
| မိဘနာမည် | အဖ ဦးမောင်ထွန်း၊ အမိ ဒေါ်မသန်းမြ |
| မွီးဖွားရာနီရာ | ရခိုင်ပြည်နယ်၊ ကမ်းထောင်းကြီးမြို့၊ ရွာသစ်ပိုင် |
| နိုင်ငံသား | မြန်မာနိုင်ငံ |
| လူမျိုး | ရခိုင် |
| ကိုးကွယ်ရေဘာသာ | ထေရဝါဒ ဗုဒ္ဓဘာသာ |
| ပညာအရည်အချင်း | ဥပဒေဘွဲ့(L.L.B.) (စစ်တွေတက္ကသိုလ်) |
| အလုပ်အကိုင် | Food Blogger |
| အိမ်ထောင်ဖက် | မဟိ |
| သားသမီး | |
| ထင်ပေါ်ကျော်ကြားမှု | အဆိုတော်, Food Blogger |
| ထင်ယှားရေလက်ရာတိ | ပြည်ရခိုင်မှာဘုရားဖူးကြမယ် |
| ရယှိခရေဆုတိ | |
| လက်မှတ် | |
| ကွန်ယက် | sanmyinttunfoodsvlogger |
ကိုယ်ရီးအကျဉ်း[edit | edit source]
စန်းမြင့်ထွန်း စော် အင်တာနက်ကို အကျိုးဟိဟိအသုံးချပနာ ဘဝရပ်တည်ချက် ခိုင်မာလာသူ ဖြစ်သည်။ အဖ ဦးမောင်ထွန်း၊ အမိ ဒေါ်မသန်းမြရို့မှ ၁၉၈၉ ခုနှစ်၊ နိုဘန်ဘာလ(၁၁)ရက် အင်္ဂါနိ တွင် ရခိုင်ပြည်နယ်၊ ကမ်းထောင်းကြီးမြို့၊ ရွာသစ်ပိုင်း၌ မွေးဖွားခသည်။ သူဧ့ငယ်နာမည်မှာ စန်းမြင့်ထွန်း ဖြစ်ပြီးကေ မွေးချင်း(၆)ဦးထဲက အထွီးဆုံးဖြစ်သည်။ မိသားစုတွင် အထွီးဆုံးသားဖြစ်ရေအကြောင့် ရွာမှာ သူ့ကို လူတိက ညီစေ့ ဟု ခေါ်ဆိုကတ်သည်။ စန်းမြင့်ထွန်းစော် အသက်(၃၀) ကျော် လပျိုကြီးအရွယ်သို့ ရောက်ဟိနီရာ ဖြစ်ကေလည်း ရည်မှန်းထားသူမဟိသိမ်းရေအတွက်နန့် အသက်(၃၅)နှစ်ကျော်ကေ အိမ်ထောင်ပြုဖို့ စိတ်ကူးထားကြောင်း သိယှိရပါသည်။
ပညာရီး[edit | edit source]
ဝချေတန်းမှ ဆယ်တန်းအထိ အ.ထ.က ကမ်းထောင်းကြီးတွင် တက်ရောက် သင်ကြားပြီးပနာ ၂၀၀၆ ခုနှစ်တွင် ဆယ်တန်း အောင်မြင်ခသည်။ စစ်တွေတက္ကသိုလ်၌ ဥပေဒဘာသာရပ် အထူးပြုနန့် နေ့ကျောင်း (Day)တက်ရောက်သင်ကြားခပနာ ၂၀၁၁ ခုနှစ်၊ စစ်တွေတက္ကသိုလ်မှ ဥပဒေဘွဲ့(L.L.B.) ကို ရယှိခသည်။ စန်းမြင့်ထွန်းစော် တက္ကသိုလ်ကျောင်းသားဘ၀ စစ်တွေမြို့၊ကျောင်းကြီးလမ်းရပ်ကွက်၌ အဆောင်ငှားပနာနီထိုင်စဉ် ကွန်ပျူတာပညာကို စစ်တွေမြို့၊ Winner ကွန်ပျူတာသင်တန်းကျောင်း၌ တက်ရောက်သင်ကြားခသည်။
အလုပ်အလုပ်အကိုင်နန့် အနုပညာလမ်းကြောင်းး[edit | edit source]
သူဧ့ အချေဘဝ၌ ဖခင်ဖြစ်သူကွယ်လွန်လားရေအတွက်နန့် မိခင်ဖြစ်သူစော် အကြော်သည် မုဆိုးမဘဝနန့် သားသမီး ခြောက်ဦးကို ကျွေးမွေးစောင့်ရှောက်ခရသည်။ စန်းမြင့်ထွန်းအချေဘဝတွင် မိခင်ဖြစ်သူနန့်အတူ ထိုင်ပနာ ညဇာဘက် လမ်းဘေး၌ ဘူသီးကြော်၊ ငှက်ပျော်ကြော်တိကို ရောင်းချခဖူးသည်။ ဝချေတန်းကျောင်းသားဘဝ၌ ကျောင်းမလားခင် ကျောင်းဈေးတန်း၌ ဆီးယိုထုတ်တိကို ရောင်းချပြီးကေမှ ကျောင်းတက်ရောက်ရသည်။ ကျောင်းပိတ်ရက်တိ၌ ဗီဒီယိုရုံတိရှေ့ ပဲကြီးလှော်ထုပ်တိကို ရောင်းချဖူးသည်။ စန်းမြင့်ထွန်းစော် တက္ကသိုလ် ကျောင်းသားဘဝ၌ သူဧ့အစ်မဖြစ်သူတိက ကွမ်းယာဆိုင်ဖွင့်ပနာ ရောင်းချပြီးကေ သူ့ ပညာရေးစရိတ်အတွက် ထောက်ပံ့ပေးခကတ်သည်။ MP-4 ခေတ်စားချိန်ကာလ MP-4နန့် ကမ်းထောင်းကြီးဒေသမွ တက္ကသိုလ်ကျောင်းသူ၊ ကျောင်သားတိကို အခကြေးငွေနန့် ဓာတ်ပုံ ရိုက်ကူးခြင်းကို ပြုလုပ်ပြီးပနာ ငွေစုနိုင်ခသည်။ ဓာတ်ပုံတစ်ပုံကို သုံးရာကျပ်ယူပြီးပနာ စစ်တွေမြို့၊အမျိုးသားဓာတ် ပုံတိုက်၌ ဓာတ်ပုံကူးခ (၁၅၀) ကျပ်သာကုန်ကြရေအတွက်နန့် ဓာတ်ပုံတစ်ပုံရိုက်ခွင့်ရကေ သူ့အတွက် ၁၅၀ ကျပ် အမြတ်ရယှိခသည်။ တဖဲ့ချေကြာရေခါ ဓာတ်ပုံရိုက်ကူးဖို့ ကင်မရာတစ်လုံးကို သူဝယ်ယူ လာနိုင်ရေအတွက်နန့် ဓာတ်ပုံဆရာဘဝကို ခံယူလိုက်သည်။ စစ်တွေတက္ကသိုလ်မှ ဥပဒေဘွဲ့(L.L.B.) ရယှိ ပြီးရေနောက် သူဧ့ ဇာတိ ကမ်းထောင်းကြီးမြို့၌ ညီစေ့ အမည်နန့် ဖိတ်စာရိုက်နန့် ဓာတ်ပုံရိုက်ကူးရီး ဆိုင်တစ်ခုကို ဖွင့်လှစ်နိုင်ခသည်။ ၂၀၁၂ ခုနှစ်လောက်က စတင်ပနာ ဟာသတိုဇာတ်လမ်း(funny)တိ ရိုက်ကူးရင်း ဆယ်စုနှစ်တစ်ခုအတွင်း အွန်လိုင်းပေါ်၌ နေရာတစ်ခုရယှိလာပနာ လူသိထင်ယှားရေ Celebrity ဆယ်လီတစ်ဦးဖြစ်လာခသည်။ Smule(ဆန်မို)၌ သူဧ့ ဟာသသီချင်းတိကို လူကြိုက်များပြီးကေ fan တိ ရဟိလာပနာ လူသိလာရေအတွက်နန့် သတင်းဌာနတိမှ အင်တာဗျူးတိကို ဖြေဆိုလာရသည်။
ပြီးကေ သူစော် food vlogger အဖြစ် လုပ်ဆောင်ရင်း ကြော်ငြာရိုက်ကူးခြင်းတိရယှိလာရေအတွက်နန့် အွန်လိုင်းပေါ်မှ ဝင်ငွေရှာနိုင်ရေ လူငယ် တစ်ဦးဖြစ်လာလေသည်။
ရခိုင်လူမျိုးရို့ဧ့ အစားအသောက်ပိုင်းနန့် ပတ်သက်ပနာ သူသိသမျှ ဗဟုသုတဖြစ်ဖွယ် အကြောင်းအရာတိကို သူဧ့ San Myint Tun Page မှ ရက်ပြတ် ဝေမျှပီးနီစော်ကို တွိ့မြင်နီရသည်။ စန်းမြင့်ထွန်းစော် ရခိုင်လူမျိုးရို့ဧ့ နိစဉ်စားသောက်ဖွယ်ရာတိကို food Volgger အဖြစ် အွန်လိုင်းပေါ်တွင် သာဘဝကျကျရိုက်ကူးလုပ်ဆောင်ရင်းမှ သူ့ကို မြန်မာပြည်အနှံ လူသိများလာရ ခြင်းဖြစ်ပြီးကေ ကြော်ငြာရိုက်ကူးခွင့်တိ ရယှိရေအတွက်နန့် ဝင်ငွေရှာနိုင်ရေ လူငယ်တစ်ဦးဖြစ်ထင်ယှားလာသည်။ သူဧ့ အမြူးအကြွ ကိုယ်ပိုင်သံစဉ် ရခိုင်တေးသီချင်းတိကြောင့်လည်း စတိတ်ရှိုး ပွဲတိ၌ သီဆိုမှုယှိလာနေသည်။
သူဧ့ ကိုယ်ပိုင်သီချင်းတိဖြစ်ရေ --
သီချင်းတိနန့် ရခိုင်ပရိသတ်တိဧ့နှလုံးသားကို ဆုတ်ကိုင်နိုင်ခသည်။
ကိုးကား[edit | edit source]
https://burmese.narinjara.com/article/detail/637ece7f6dd2ad341b3fef9b?fbclid=IwAR2_kEvR5EMyE-YT3SpgnCmsJmZetBR0cCRl1_S1tdi8qYBfqLK-0Rs4Nj8
https://www.bnionline.net/mm/news-95860?fbclid=IwAR3gBEshC_VJVfh74-wF6E_Omw6E3OW5iSw98ov3I4PB9X79DTHNsIXQIj4
ပြင်ပလင့်[edit | edit source]
https://www.facebook.com/sanmyinttunfoodsvlogger?_rdc=1&_rdr