Wp/rki/ဂျိုးဆက်ဝေဇမ်ဘောင်း
| ဂျိုးဆက် ဝေဇမ်ဘောင်း | |
|---|---|
 ၂၀၀၅ ခုနှစ်၊ ဘာလင် | |
| မွီးဖွား | ၈ ဇန်နဝါရီ၊ ၁၉၂၃ ဘာလင်မြို့၊ ဂျာမနီနိုင်ငံ |
| ဆုံးပါး | ၅ မတ်၊ ၂၀၀၈ (အသက် ၈၅) Ludwigsfelde-Gröben, ဂျာမနီနိုင်ငံ |
| နိုင်ငံသား | ဂျာမန် |
| နိုင်ငံလူမျိုး | ဂျာမနီနိုင်ငံ |
| နယ်ပယ် | ကွန်ပျူတာသိပ္ပံ |
| အဖွဲ့အစည်းဌာန | MIT |
| မိခင်ကျောင်း | ဝိန်းစတိတ် တက္ကသိုလ် |
| အိမ်ထောင်ဘက် | Ruth Manes Weizenbaum (ကွာသျှင်း) |
| ရင်သွီး(တိ) | Sharon, Miriam, Naomi, Pm |
ဂျိုးဆက်ဝေဇမ်ဘောင်း (Joseph Weizenbaum) အား ၁၉၂၃ ခုနှစ် ဇန်နဝါရီလ ၈ ရက်တွင် ဘာလင်မြို့၌ မွေးဖွားခရေ။ သူရေ ဂျာမန် အမေရိကန်လူမျိုးဖြစ်ပြီး မက်ဆာချူးဆက် စက်မှုတက္ကသိုလ်တွင်ပီးရေ ကွန်ပျူတာသိပ္ပံမှ ပရော်ဖက်ဆာနန့် စာရီးဆရာဖြစ်ရေ။ သူရေ ဂျူးမိသားစုမှ မွေးဖွားခသူဖြစ်ပြီး ၁၉၃၅ခုနှစ်တွင် နာဇီဂျာမနီရို့ဧ လက်အတွင်းမှ လွတ်မြောက်ခပြီး သူ့ ဧမိသားစုရေ အမေရိကန်နိုင်ငံကို ပြောင်းရွှေ့ခကတ်ရေ။
သူရေ အမေရိကန်နိုင်ငံတွင် ၁၉၄၁ခုနှစ်က စတင်ပြီး သင်္ချာ ပညာရပ်ကို စတင်လေ့လာခရေ။ ယကေလည်း သူဧ လေ့လာမှုရေ စစ်ပွဲကြောင့် ရပ်ခရပြီး ထိုအတောအတွင်း သူရေ စစ်ပွဲတွင် တာဝန်ထမ်းဆောင် ခရရေ။ ၁၉၅၂ခုနှစ်တိ အတွင်းမှာသူရေကွန်ပျူတာတိနန့် လုပ်ကိုင် ခရပြီး ဝိန်းပြည်နယ်တက္ကသိုလ်အတွက် ၎င်းဂျစ်တယ်ကွန်ပျူတာကို သူကတီထွင်ပီးကာ ကူညီမှု ပြုခရေ။ ၁၉၅၆ ခုနှစ်မှာ သူရေ ဘဏ်စနစ်အတွက် ပထမဆုံးကွန်ပျူတာကို သုံးစွဲပြီးတော့ General Electric တွင် လုပ်ကိုင်ပီးခရေ။ ၁၉၆၄ ခုနှစ်မှာ မက်ဆာချူးဆက် စက်မှုတက္ကသိုလ် မှာဝင်ရောက်ပြီးတာဝန်ထမ်းဆောင်ခရေ။ ၁၉၆၂ခုနှစ်မှာ သူက ELIZA ဟုခေါ်ရေ ရိုးသျှင်းသည့်ပရိုဂရမ်ကို ထုတ်ခရေ။ ၎င်းပရိုဂရမ်မှာ ဂုသုံးစွဲနေသည့် chatter bots ဟု ခေါ် သည့်ပရိုဂရမ် ဖြစ်ရေ သူဧ ၁၉၇၆ ခုနှစ်မှာထုတ်သည့် Computer Power နန့် Human Reason စာအုပ်မှာ လွှမ်းမိုးမှုပီးသည့် စာအုပ်တစ်ခု ဖြစ်ရေ သူရေကွန်ပျူတာတိကို အရီးပါသည့်ဆုံးဖြတ်ချက်တွေချခိုင်းဖို့ခွင့်မပြုချေ။ ဇာကြောင့်ဆိုကေ ကွန်ပျူတာတိ၌ လူသားတိ၌ပီးသည့်အရည်အသွေးတိ ဖြစ်ရေ ဉာဏ်ပညာနန့် ဆက်စပ်တွေးခေါ်ပေါင်းစည်းယူမှုတိ မလုပ်နိုင်သည့် အတွက် ကြောင့် ဖြစ်ရေ။ Weizanbaum က SLIP ပရိုဂရမ်ဘာသာရပ် ကို ဖန်တီးခရေ။ ၁၉၉၆ မှာ Weizanbaum ကဘာလင်ကိုရွှေ့ပြောင်းခပြီး သူ့မိဘတွေ နေခသည့်နီရာမှာ ပြန်ပြီးနေထိုင်ခရေ။[1][2] Weizanbaum ဧအတ္ထုပ္ပတ္တိကို ၂၀ဝ၇ ခုနှစ်မှာ ရုပ်သျှင်အဖြစ် ရိုက်ကူးခရေ။ အဆိုပါ ရုပ်သျှင်ကို ဂျာမနီမှာဖြန့်ချိခသပိုင် အင်္ဂလိပ်လိုပါ ထုတ်ဝီပီးခရေ။[3] သူရေသေဆုံးချိန်ထိဘာလင်မှာပီးသည့် အီလက်ထရောနစ်စီးပွားရီးလုပ်ငန်း Institute မှာ သိပ္ပံကောင်စီဧဥက္ကဋ္ဌအဖြစ် တာဝန်ထမ်းဆောင်ခရေ။ Weizanbaum မှာ MITမှာ လုပ်ကိုင်ရေပိုင် ဟားဗတ်၊ စတန်းဖို့လ်နန့် ဘာလင်တက္ကသိုလ်အပြင် အခြား ရေတက္ကသိုလ်တိအတွက် လည်း ပညာရီးဆိုင်ရာလုပ်ငန်းတိအတွက် ဝိုင်းဝန်းကူညီလုပ်ကိုင်ပီးခရေ။ Weizanbaumမှာ ၂၀ဝ၈ ခုနှစ် မတ်လ ၅ ရက်နိမှာ ကွယ်လွန်ခပြီး ဘာလင်မြို့ပီး ဂျူးသုသာန်မှာ မြေမြှုပ်ခရေ။ အတိပြည်သူအမှတ်တရနေ့အဖြစ် ဘာလင်မြို့မှာ ၂၀ဝ၈ ခုနှစ် မတ်လ ၁၈ ရက်နိကို သတ်မှတ်ပီးခရေ။
ကိုးကား
[edit | edit source]- ↑ Joseph Weizenbaum – a biography (German) Wolfgang Löw, Leibniz-Institut für Neurobiologie, Magdeburg, Germany
- ↑ Weizenbaum. Rebel at Work. Documentary film by Peter Haas and Silvia Holzinger.
- ↑ Remembering Joe Weizenbaum, ELIZA Creator - Artificial Intelligence - InformationWeek[လင့်ခ်သီ]