Wp/rjs/বাবায় দিয়া যাওয়া মাৰাৰ পাক

(প্রয়াত বাবাৰ পবিত্ৰ স্মৃতিত শ্রদ্ধাৰে)

সকালবেলা বিছনা ছাড়াৰ থাকিয়ায়
বাবায় মনত মাৰা যুৰে
জটিলেৰ থাকিয়া বেসি জটিল হয়
গেৰধৰা মাৰাৰ কেকেৰা লাগা পাক

ভাবনাৰ লাঠি পাকেয়া
সমায়েৰ চোতালত
বাবাৰ বুকত ভৰপূৰ মাৰাৰ জটিল পাক
মুঁই বাবাৰ কাঁটাঘেৰা ঘাটাত গজিয়া উঠুং
জোনালী নিশাৰ মায়াবী আলো হোয়া
বাবাৰ বুকত লহপহ আঘোণী পথাৰ হোয়া

স্মৃতিৰ ঘাটাদিয়া চলিয়া গেইল বাবা
মোৰ বুকত দিয়া গেইল
জটিল মাৰাৰ কেকেৰা লাগা পাক

আজিকালি মূর্গীৰ ডাকত উঠিয়া
বাবায়া মাৰা যুৰাৰ মতোন কৰিয়া মুঁয়ো যুৰুং
মাৰাৰ থাকিয়া সপোনেৰ থোকা ছিঙে
ঠিক বাবাৰ সপোন ছিঙাৰ মতোন কৰিয়া

বাবায় দিয়া যাওয়া মাৰাৰ পাক
মুঁই নিয়া বেড়াং
যেঠেইপর্যন্ত যাং অ'ঠইপর্যন্ত

আতাৰ থাকিয়া পাছিল বাবায়
পৈত্ৰিক সম্পত্তি হিচাপে
সমায়েৰ চোতালত
গতানুগতিক জীবন
মাৰাৰ পাক ।

০ মূল: কিশোৰ বড়ো
০ ৰাওবদল: কন্দর্পজিৎ কল্লোল