Wp/rjs/ঘাঁকদামৰীআ পখীৰ গলাত লট্কিয়া বেড়াএ আকটা দুখ্যেৰ অকবিতা

From Wikimedia Incubator
< Wp‎ | rjs
Wp > rjs > ঘাঁকদামৰীআ পখীৰ গলাত লট্কিয়া বেড়াএ আকটা দুখ্যেৰ অকবিতা

ණ কন্দর্পজিৎ কল্লোল

উদাস আকটা দিফৰ বেলা
বাকৰাত পৰিআ থাকে আধামৰা সূর্য্য
আৰ বুকত বান্দে শাৰো পখীৰ গান

আকাশ দিআ উড়ায় চিল্লা
আৰ্ থাপ মাৰিআ আনে
সূর্য্যেৰ আকমুঠা আলো
ফেলাআ দেয় বালাত
অ'তে পোতা খায়
আৰ হোয়া উঠে আকটা

মাসাংস্থান গাছ

অ'ৰে ছাঁয়াতে বসিআ থাকে
বাউধীয়া শামুক
আৰ ৰ'য়া ৰ'য়া দেখে
নদীৰ ঢেউ

সমস্ত দিফৰেৰ সাক্ষী হোয়া
ফেঁকুৰিআ উঠে
ঘাঁকদামৰীয়া পখী

ঘাঁকদামৰীআ পখীৰ গলাত
লট্কিয়া বেড়াএ আকটা
দুখ্যেৰ অকবিতা