Wp/rej/Main Page

From Wikimedia Incubator
< Wp‎ | rejWp > rej > Main Page
Jump to navigation Jump to search
Wikipedia-logo-v2.svg
WIKIPEDI'A
Ensiklopedi Tɕ Tun Jang


Wikipedia-logo.png
Wikipedia-logo.png
Maro tɕ mɕnɕa Wikipedi'a Baso Jang
Ensiklopedi Tɕ Tun Jang
Uyo bi ade 88 artikɕl dɕ sudo nɕa tɕ bɕsamo
Maro mbin sɕmangɕt Jang coa buto litɕrasi-informasi !!!

Di'o ba Wikipedi'a baso Jang

Di'o-ba proyek inkubator utuk tɕ jmijai wikipedi'a lɕm baso Jang. Proyek i'o amɕn tɕ rajin, tɕ pacok mɕlucua Ensiklopedi Tɕ Tun Jang gi sɕbɕnɕa-nɕ. Amɕn bi ijai ensiklopedi gi sɕbɕnɕa nɕ, itɕ pacok gmuno wikipedi,a utuk tɕ bɕbagiak ilmau ngen jmagai baso tɕ, mbɕak sapɕi laput tɕnlɕn waktau. Keme tmunggau udi, pasuak sanok kute nɕak ipɕ ba'e tinggɕa-nɕ, maro tɕ misai laman i'o dɕdau, maro tɕ jmijai Wikipedi'a baso Jang. Kundɕi wikipedi'a, tɕ sɕmlang Jang jayo nɕak maso tɕko.

Kɕrno di'o masiak inkubator, tai-nɕ ati-si wikipedi'a nɕni'ɕn, mako kutɕ maco nɕak i'o tɕ muloi tmulis-nɕ kundɕ kolom Wp/rej/Mɕnɕa Artikɕl Blau. Conto-nɕ, itɕ lok tmulis tɕtang imɕu, mako gi tnulis tɕ o Wp/rej/Imɕu. Amɕn bi sudo, bɕ bi nam tɕ kɕmliak asɕa-nɕ nɕak artikɕl Imɕu.

Baso gi nakɕi tɕ pi'o ba Jang di'alek Lɕbong. Gɕtai? Kɕrno kunyau iso si Jang gi tu'ai sɕkilai, Lɕbong kɕbiak an ijai pɕnan tɕmboak nɕ budayo Jang gi utamo. Lɕbong kundɕi an bi ijai pɕnan tun bɕkupua. Ajai-tɕ Tanɕak Jang ngen bikau gi tɕko kundɕi Jawai bɕdi'ɕm nɕak Lɕbong. Singgo-nɕ, Jang Tun Lɕbong patut tɕ gmuno kɕrno guno-nɕ awɕi baso Indonesia, ijai baso standard gi gnuno nɕak Nɕgara tɕ.

Tɕ coa-si manggɕp di'alek Lɕbong kɕmbiak ba'ik kundɕi dɕ luyɕn. Tɕ kutɕ pi'o manggɕp di'alek Jang gi luyɕn awɕi di'alek Musai (Cu-up/Rɕjang Lɕbong ngen Migai-Ujan Mas-Kɕpahi'ang Kota), di'alek Awɕs nɕak Musai Awɕs Utara, di'alek Kɕbanagung (Tɕbat Karai ngen Kɕbanagung), ngen dialek Pɕsisir (Utara ngen Kulau Tɕngɕak) sɕrai. Coa gen gi unggul kundɕ luyɕn, coa kulo gen gi kɕmbiak kidak. Kɕrno o, amɕn tɕ lok mɕnɕa artikɕl lɕm di'alek-di'alek, cukup tmambɕak gen di'alek nɕak kalimat pɕrtamo artikɕl blau o.

Amɕn Udi Lok Namɕn, Pɕnan Keme Ade

Rafflesia arnoldi - panoramio.jpg Bungai-nɕ Tanɕak Jang, Bungai Skɕdɕi

Pasuak, Sanok Bi Namɕn Ati?

1. Baso Jang mɕnurut riset kundɕi Prof. Richard McGinn iso-si baso Sumatran. Baso Jang o coa gen tmu'an kɕrabat nɕak Sumatɕra. Kɕrabat, pasuak baso Jang gi kɕmbiak pa-ok o ade-nɕ nɕak Sɕrawak, Malaysia, gen-nɕ baso Bukar-Sadong. Kɕdu'ai baso o tɕmasuk babaso Dayak Bidayuh.

2. Ninik puyang Jang mɕnyɕb-ang la'ut, aliak moi Sumatɕra kɕkiro kɕdau otos ta'un sɕ-ayok Sriwijaya jijai. Cuman kutɕ ahli ati-si namɕn gɕtai tobo-o baliak. TJano kɕrno wakatu o ade olon, tɕak kulo kɕrno hal-hal gi luyɕn.

3. Gen Jang o nadɕak Prof. McGinn, nam ba'e dapɕt-nɕ kundɕi gen bi'oa paling panjang nɕak Sɕrawak. Tɕak si kɕmbiak mujua tɕak coa, gen bi'oa o Bi'oa Rajang/Rɕjang. Singgo-nɕ gen Jang, tun Jang, ngen baso Jang o ade utuk tmingɕt tanɕak asal ninik puyang Jang --Sɕrawak.

4. Ade kulo hipotesis gi madɕak gen Jang o kundɕi tai-nɕ "mɕnyɕb-ang". Pa-o tun Tabɕak Anyar, Lɕbong Sɕlatan, cayo kulo amɕn gen Jang o kundɕi kato "rajang", istilah umum-nɕ galok tɕ madɕak "cɕncong." Praktek tun Jang mɕrajang (cmɕncong) o bi ade kundɕi maso mɕna-o. Tun Jang kɕbiak galok mɕrajang lɕbung utuk mɕnɕa sambɕa khas tun Jang --lɕmɕa

5. Lɕmɕa, do-o-ba pajuak-tɕ gi asai-nɕ padek, ade didik pi-iak-nɕ, pɕlgiak kulo. Lɕmɕa o kundɕi an tun bi mandang tolon o sɕbagai pajuak khas tun Jang. Lok mɕnɕa-nɕ coa-si saro. Lɕbung o cnɕncong, nɕpuk bɕbɕrsih, sudo o nɕpek kan (bi'aso-nɕ kan putiak, mɕn coa o kan mas), na'ik lɕm gɕlok sapɕi tlau bilai. Kalɕu bi tlau bilai, bi nam kɕnsok.

6. Ade du'ai bungai gi tun galok mɕngasosiasi-kan ngen Propinsi Kulau. Do gen-ne bunga bangkai. Mbau-nɕ agok kurang ba'ik. Lɕm baso Jang, bungai o nɕnok tɕ bungai kibut.

7. Bungai kɕdu'ai, gen-ne bunga rafflesia. Rafflesia o mɕnɕa tɕ mingɕt maso Inggris mɕngu'aso rogok Kulau. Rafflesia o dapɕt gen-nɕ uyo kɕrno Sir Thomas Stamford Raffles kɕmliak bungai o, lajau kɕmnal moi dɕni'o. Tun Jang mɕnok rafflesia o bungai skɕdɕi.

Wikipedi'a Lɕm Baso-baso Da'erah nɕak Indonesi'a

Sɕmatra
Alas • Angkola • Bangko • Gayo • Karo • Kɕlu'at • Kicai • Komɕring • Lampung Nyo • Lampung Opoi • Manda'iling • Mɕlayau Jambai • Mɕlayau Tɕngɕak • Mɕntawai • Musai • Ni'as • Paqpaq • Sigulai • Simalungun • Simɕlu  • Singkil • Toba

Kɕlimantan
Bakumpai • Dayak Sadɕi • Iban • Kɕdayan • Kutai Tɕnggarong • Kutai Kɕtajagai • Lawangan • Ma'anyan • Mɕlayau Dayak • Ngajau

Jawai & Nusa Timur-Sɕmlatan
Bali • Bɕtawi • Bima • Kembra • Lamaholot • Lewotobi • Li'o • Mɕdura • Manggarai • Sabu • Sasak • Sikka • Sumbawa • U'ab Mɕto

Sulawɕsi
Bajau • Banggai • Ci'a-ci'a • Duri • Ka'ili Ledo • Makkasar • Mamasa • Mɕnado • Mandar • Mongondow • Muna • Pamona • Sɕlayar • Ta'e' • Tolaki • Tondano • Tonse'a • Tontembo'an • Toraja-Sakdan • Tukang Bɕsai Utara • Tukang Bɕsai Sɕlatan

Maluku
Mɕlayau Ambon • Fordata • Galela • Kei • Mɕlayau Maluku Utara • Tɕrnate • Tobelo • Yamdena

Iri'an
Bi'ak • Dani • Ekari • Melayau Irian • Sɕntani


Wikipedi'a : Ace • Banjar • Banyumas • Bugis • Gorontalo * Indonɕsi'a • Jawai • Mɕlayau • Minang • Sunda • Tɕtun