Wp/qug/Barack Obama

From Wikimedia Incubator
< Wp‎ | qugWp > qug > Barack Obama
Jump to navigation Jump to search
barack Obama, 2009 watapi

Barack Obama pushakka (tukuy shutikunawan Barack Hussein Obama II), 4 chakmay killapi 1961 watapi Honolulu llaktapi wacharirka, shuk kapakkamak runami kan, payka 20 kamay killapi 2009 watapi Shukllachishka America suyukuna (USA) mamallakta pushakmi tukurka. Payka wakin watakunapi Indonesia mamallaktapi kawsarka, chay kipa kamachiyta Harvard hatun yachay wasipi yachakurka, 1991 watamanta Chicago llaktapi llankarka. 1992 watapi, Michelle Robinson (kipaka Michelle Obama) tiyawan sawarirka, kashna Obamaka paypa warmi shina Dimokratu partidupi llankarka. 1996 watamanta, Obama tiyuka Illinois suyupa Senadopi kamachikka tukurka, 2002 watapi, payka nin Irak makanakuyka mana alli kan. 2004 watapi, mamallaktapa Senadopi yaykurka, chay kipa 2008 watapi, Americamanta runakuna Obamaka paykunapa mamallakta pushakmi tukuchirka. Payka Afkanistan makanakuyka, Irak makanakuytapash katin, shinapash 2009 watapimi Nobel karanata chaskirka. 2011 watapi, paypa awkakkunaka Osama bin Ladin tiyuka wanchin.

USA ukupi, payka tukuy runakunaman hampina hayñita karanata munan, chaymanta 23 pawkar killapi 2009 watapi shuk mushuk hampina kamachiyman ari nirka. Ripuplikanu partidu chay kamachiyta mana munarka. Shina kakpipash, 2012 watapi, Shukllachishka America suyukuna (USA) runakuna paymi hatun pushak kutin katinkapak akllarka.