Wp/qug/Punasuyu
Punasuyu (shina: Antikuna, Kastilla shimipi Andes) Abya Yalapi tiyak hanak urkukunami kan, paykunaka Venezuelamanta, uran Chileman 7.100km charin, paypa ashtawan hanak urkuka Aconcagua urkumi kan (Argentina llaktapi). Punasuyu urkukunaka Abya Yalapa ashtawan hatun urkukunami kan. Tawka urkukunaka nina urkukunami kan (shina Cotopaxi urku, Ojos del Salado urku).
Punasuyupi tawka hatun llaktakunaka tiya, shina Colombia uma llakta (Bogotá), Ecuador uma llakta (Quito), Bolivia uma llakta La Paz, ñawpa pachamanta Tawantinsuyupa uma llakta (Cuzco). Cerro de Pasco (Perú mamallaktapi) 4380m hankmi tiyan. Ñawpa pachapi, Inkakunaka chinchay Argentinamanta, uran Colombiaman tukuy Punasuyutami kamachirka, kunan pachapi Punasuyuka kanchis mamallaktapura chawpishkami kan :
- Venezuela (Bolívar urku, 4978m)
- Colombia (Huila rasu, 5365m)
- Ecuador (Chimborazo nina urku, 6268m)
- Perú (Huascarán urku, 6768m)
- Bolivia (Sajama rasu, 6542m)
- Argentina (Aconcagua urku, 6962m)
- Chile (Ojos del Salado rasu, 6893m)
Punasuyupa ashtawan hatun kuchaka Titicaca kuchami kan, payka 3800m mamakuchamanta hanakmi tiyan. Punasuyumanta Intillukshiyman Antisuyumi tiyan, hatun tamiayuk sachawan, Intiyaykuyman Kuntisuyumi tiyan.